तुमच्याकडे काय आहे? सोनं, चांदी की बिटकॉइन? जगाला श्रीमंत बनवणाऱ्या व्यक्तीची पोस्ट व्हायरल

रिच डॅड पुअर डॅड या पुस्तकाचे प्रसिद्ध लेखक रॉबर्ट कियोसाकी (Robert Kiyosaki) नेहमीच सोशल मीडियावर सक्रिय असतात. सोशल मीडियावर ते नेहमीच कामाच्या पोस्ट टाकत असतात. खासकरून लोकांना श्रीमंतीचा मंत्र देणाऱ्या पोस्ट ते व्हायरल करत असतात. त्यामुळे त्यांच्या पोस्ट वेगाने व्हायरल होत असतात. त्यांच्या पोस्टची तर अनेकजण वाटच पाहत असतात. आता त्यांची एक नवीन पोस्ट व्हायरल झाली आहे. यात त्यांनी स्वत:ला आपत्कालीन तयारी करणारा व्यक्ती, असं म्हणवून घेतलं आहे. तसेच तुमच्याकडे सोने-चांदी किंवा बिटकॉइन आहे का? असा सवाल त्यांनी केला आहे. कियोसाकी यांची ही पोस्ट चांगलीच व्हायरल झाली आहे.

रॉबर्ट कियोसाकी यांनी ट्विटरवर ही पोस्ट केली आहे. मी प्रेपर (आगाऊ तयारी करणारा) का आहे? काही दिवसांपूर्वी काही लोकांच्या ग्रुपशी चर्चा करताना मी प्रेपर असल्याचं त्यांना म्हटलं होतं. त्यावर एका महिलेने हात उंचावून सवाल केला. तुम्ही प्रेपर आहात, तर मग तुम्ही निराशावादी नाही का? सकारात्मक विचार अधिक चांगला नसतो का? असा सवाल या महिलेने मला केला होता.

WHY I AM A PREPPER

Speaking to a group the other day I mentioned I was a prepper.

A woman raised her hand and asked “If you are a prepper, aren’t you being pessimistic? Isn’t positive thinking healthier?

I replied “Do you have insurance on your car?”

She replied “Yes”

“Are you hoping for an accident?”

“No” she replied shaking her head. I have insurance just incase I’m in an accident.”

“Do you own any gold, silver, Bitcoin?”

She shook her head “No.”

“What will happen to your money when the economy crashes?” I asked.

“The government will print more of it.”

“And what will happen to the purchasing power of your money?”

Nodding her head she replied, “It will go down in purchasing power?”

“And that’s called…..?”

“Inflation?” She smirked.

“The Fed and government’ steal our wealth via our money….legally… because they can print it…legally.”

They steal our wealth via taxation and inflation….legally.

“I only want money the government cannot print.”

“I also own oil wells. Governments are big buyers of oil. Great customers. They give me money”

“And that’s why you’re a financial prepper? She said with smile.

I just nodded my head.

Q: Are you a “financial prepper?”

A: And what is YOUR answer?

Take care, 👍

— Robert Kiyosaki (@theRealKiyosaki) October 3, 2026

महिलेच्या या प्रश्नावर कियोसाकी यांनी तिला उलटा सवाल केला होता. तुमच्याकडे कारचा विमा आहे का? असा सवाल त्यांनी केला होता. त्यावर होय, माझ्याकडे आहे, असं ही महिला म्हणाली होती. त्यावर कियोसाकी यांनी तिला आणखी एक प्रश्न केला. तुम्हाला वाटतं का एखादा अपघात व्हावा? कियोसाकी यांच्या या प्रश्नावर त्या महिलेने नकारात्मक उत्तर दिलं. नाही. अपघात झाला तर बचाव झाला पाहिजे, म्हणून मी विमा घेतला आहे, असं या महिलेने त्यांना सांगितलं.

अर्थव्यवस्था कोसळली तर काय होणार?

कियोसाकी एवढ्यावरच थांबले नाहीत. त्यांनी या महिलेला, तुमच्याकडे सोनं, चांदी किंवा बिटकॉइन आहे का? असा सवाल केला. या महिलेने नाही म्हणून सांगितलं. त्यावर, तुमच्याकडे जर यापैकी कोणताच असेट नसेल आणि अशावेळी अर्थव्यवस्था कोसळली तर तुमच्या पैशाचं काय होणार? असा सवाल कियोसाकी यांनी केला. त्यावर, सरकार अजून पैसे छापेल, असं ही महिला म्हणाली.

आपली संपत्ती चोरली जातेय

महिलेच्या या उत्तरावर कियोसाकी यांनी पुन्हा तिला प्रश्न केला. सरकारने ज्यादा पैसे छापले तर तुमच्या पैसे खरेदी करण्याच्या क्षमतेचं काय होणार? असा सवाल त्यांनी केला. हा प्रश्न येताच महिलेने तिची पैसे खरेदी करण्याची क्षमता कमी होईल असं सांगितलं. त्यानंतर कियोसाकी हाच तर्क समजावून सांगत म्हणाले, यालाच महागाई म्हणतात.

अमेरिका फेड (US Fed) आणि सरकार आपल्या पैशांच्या द्वारेच आपली संपत्ती चोरत आहे. तेही कायदेशीररित्या. कारण त्यांच्याकडे अधिकार आहे. त्यामुळे ते अधिक पैसे छापू शकतात. ते टॅक्स आणि महागाईच्या माध्यमातून आपली संपत्ती चोरतात, असंही त्यांनी स्पष्ट केलं.

असा पैसा असावा की…

सरकारने छापू नये असा पैसा मला हवा आहे. माझ्याकडे तेलाच्या विहिरी आहेत. सरकार मोठ्या प्रमाणात तेल खरेदी करते. ते चांगले ग्राहक आहेत. ते मला स्वत: पैसे देतात, असंही त्यांनी स्पष्ट केलं. दरम्यान, कियोसाकी यांच्या प्रत्येक पोस्ट प्रमाणे ही पोस्टही वेगाने व्हायरल होत आहे. त्यावर जगभरातील लोक कमेंट करत आहेत.