FD वर जास्त कमवायचं आहे? ‘ही’सरकारी बँक देतेय ज्येष्ठ नागरिकांना 7.25% पर्यंत परतावा
FD Interest Rates: जर तुम्ही तुमची बचत सुरक्षित ठिकाणी गुंतवून करून त्यावर चांगला परतावा मिळवायचा असेल तर तुमच्यासाठी एक आनंदाची बातमी आहे. दोन प्रमुख बँकांनी आपल्या मुदत ठेवीं (FDs) वरील व्याजदरांमध्ये बदल केले आहेत.
आपल्या नेहमीच वाटतं की, आपल्या बचतीवर सुरक्षित ठिकाणी गुंतवणूक करून त्याचा चांगला परतावा मिळावा. तर तुमच्यासाठी एक आनंदाची बातमी आहे. देशातील दोन प्रमुख सार्वजनिक क्षेत्रातील बँका, एक म्हणजे पंजाब नॅशनल बँक (PNB) आणि दुसरी म्हणजे कॅनरा बँक, यांनी त्यांच्या मुदत ठेव (FD) व्याजदरांमध्ये बदल केले आहेत. हे नवीन दर नोव्हेंबर २०२६ पासून लागू झाले आहेत. यामुळे फायदा होणार आहे. या बदलांनंतर, कॅनरा बँक सामान्य ग्राहकांसाठी जास्तीत जास्त ६.७५% आणि ज्येष्ठ नागरिकांसाठी ७.२५% पर्यंत व्याजदर देत आहे. दुसरीकडे, पंजाब नॅशनल बँक (PNB) सामान्य ग्राहकांसाठी जास्तीत जास्त ६.६०% आणि ज्येष्ठ नागरिकांसाठी ७.१०% पर्यंत व्याजदर देत आहे. याशिवाय खास पीरियडच्या FD वर आकर्षक व्याज देत आहे. याबद्दल सविस्तर माहिती जाणून घेऊयात…
कॅनरा बँकेच्या कोणत्या मुदत ठेवीवर सर्वाधिक व्याजदर?
२ नोव्हेंबर २०२६ पासून, कॅनरा बँकेने काही मुदत ठेवींवर १५ बेसिस पॉइंट्सपर्यंत व्याजदर वाढवले आहेत. बँकेची एक प्रमुख योजना म्हणजे ५५५-दिवसीय विशेष मुदत ठेव योजना. या योजनेअंतर्गत, सामान्य ग्राहकांना आता ६.७५% वार्षिक व्याजदर मिळेल, जो पूर्वी ६.६०% होता. ज्येष्ठ नागरिकांसाठी हा व्याजदर ७.१०% वरून ७.२५% करण्यात आला आहे. याव्यतिरिक्त, ४४४-दिवसीय मुदत ठेवीसाठी, सामान्य ग्राहकांना ६.६५% आणि ज्येष्ठ नागरिकांना ७.१५% व्याजदर निश्चित करण्यात आला आहे.
बँकेच्या इतर FD चे दर
७ ते ४५ दिवसांच्या मुदत ठेवींवर ३%, ४६ ते ९० दिवसांच्या ठेवींवर ४%, आणि ९१ ते १७९ दिवसांच्या ठेवींवर ४.२५% व्याजदर दिला जाईल. १८० ते २६९ दिवसांच्या मुदत ठेवींसाठी, सामान्य नागरिकांना ५.२५% आणि ज्येष्ठ नागरिकांना ५.७५% व्याजदर मिळेल.
एका वर्षापेक्षा कमी कालावधीच्या मुदत ठेवींवर कितीचा फायदा?
२७० दिवसांपासून एका वर्षापेक्षा कमी कालावधीच्या मुदत ठेवींवर (FDs), सामान्य ग्राहकांना ५.५०% व्याजदर मिळेल, तर ज्येष्ठ नागरिकांना ६% व्याजदर मिळेल. एका वर्षापासून ते एक वर्ष आणि तीन महिन्यांपर्यंतच्या (४४४ दिवसांची योजना वगळता) मुदत ठेवींवर अनुक्रमे ६.४०% आणि ६.९०% व्याजदर मिळतील. दोन ते १० वर्षांच्या कालावधीच्या मुदत ठेवींवर, सामान्य ग्राहकांना ६.२५% व्याज मिळेल आणि ज्येष्ठ नागरिकांना ६.७५% व्याज मिळेल.
पंजाब नॅशनल बँकेच्या FD बद्दलही जाणून घ्या
पंजाब नॅशनल बँकेने (PNB) मुदत ठेवींसाठी (FDs) नवीन व्याजदर लागू केले आहेत, जे १ नोव्हेंबर २०२६ पासून प्रभावी झाले आहेत. बँकेच्या विशेष ४४४-दिवसीय मुदत ठेव योजनेवर, सामान्य ग्राहकांना ६.६०% वार्षिक व्याजदर मिळेल, तर ज्येष्ठ नागरिकांना ७.१०% व्याजदर मिळेल. बँकेद्वारे दिल्या जाणाऱ्या आकर्षक व्याजदरांपैकी हा एक प्रमुख दर आहे. याव्यतिरिक्त, ६६६-दिवसीय मुदत ठेवींवर सामान्य ग्राहकांना ६.५०% आणि ज्येष्ठ नागरिकांना ७% व्याजदर मिळेल. तसेच, एक वर्षाच्या मुदत ठेवींसाठी सामान्य ग्राहकांना ६.२५% आणि ज्येष्ठ नागरिकांना ६.७५% व्याजदर दिला जाईल.
