लोकसभा निवडणुकीमुळे वाचेल Income Tax, खरेदी करा Electoral Bond

नवी दिल्ली | 3 February 2024 : पैसा कमविणे आणि बचतीसाठी प्रत्येक जण प्रयत्न करतोच. करदाते तर किती कर बचत करता येईल. कुठे सवलत मिळेल आणि बचतीतून फायदा होईल, याची संधी शोधतात. लोकसभेच्या निवडणुकीचे पडघम आता लवकरच वाजतील. लोकसभा अथवा राज्यातील विधानसभेच्या निवणुका असतील तरी करदात्यांना, कर वाचविण्याची आयती संधी मिळते. त्यांना निवडणूक रोख्यातून कर बचतीची आयती संधी मिळतेच, पण असा फायदा ही होतो.

काय आहेत निवडणूक बाँड

तर सरकार दरवर्षी निवडणूक बाँड, निवडणूक रोखे बाजारात आणते. निवडणुकीपूर्वी हे बाँड (Electoral Bond) बाजारात आणण्यात येतात. त्याची सुरुवात 2018 मध्ये करण्यात आली होती. अंदाजानुसार, लोकसभा निवडणुकीपूर्वी सरकार पुन्हा एकदा निवडणूक रोखे घेऊन येईल. त्यामाध्यमातून तुमच्या आवडत्या राजकीय पक्षाला देणगी अथवा निधी देऊ शकता.

यावर परतावा मिळतो का?

हा बाँड इतर बाँडसारखा परतावा देत नाही. निवडणूक रोख्यांवर व्याजाचा परतावा मिळत नाही. तुम्हाला आवडत्या राजकीय पक्षाला देणगी देता येते. त्याबदल्यात हा पक्ष तुम्हाला पोच पावती देईल. पण हे एकप्रकारचे दान म्हणा, मदत म्हणा, तुम्ही प्रेमापोटी मोजलेली किंमत म्हणा, ही देणगी देता येते. ती परत मागता येत नाही अथवा त्यावर तुम्हाला व्याजही मिळत नाही.

तुम्हाला मिळणार हा फायदा

राजकीय पक्षाला मदत करण्यापुरतं ठीक आहे. पण त्यातून काहीच फायदा होणार नाही का? तर तुम्हाला हा बाँड खरेदी केल्यास फायदा मिळू शकतो. आवडत्या राजकीय पक्षाला देणगी दिल्यानंतर तुम्हाला पोचपावती देण्यात येईल. आयकर सवलतीसाठी त्याचा वापर होतो. आयकर कलम 80जीजीसी आणि 80जीजीबी अतंर्गत इलेक्टोरल बाँडवर कर सवलत मिळवता येते. जितकी देणगी द्याल, त्यावर तुम्हाला कर सवलत मिळते.

ही गोष्ट ठेवा लक्षात

1. कर बचतीसाठी निवडणूक रोखे हा चांगला पर्याय
2. पूर्ण देणगीवर तुम्हाला कर सवलत मिळते
3. बाँड खरेदीसाठी केवायसी करणे अनिवार्य
4. तुमचे नाव गोपनीय ठेवण्यात येते
5. तुम्ही कोणत्या पक्षाला देणगी दिली हे समोर येत नाही
6. पक्षांना देणगी मिळावी यासाठी रोखे आणण्यात येतात