दोघेही जिवलग मित्र, पण मित्राची ती गोष्ट खटकली अन् घडू नये ते घडलं !

जुन्या वादातून मित्राने मित्राला संपवले

नोएडा : जगात मैत्रीसारखं जवळचं नातं नाही. मित्र हा आपल्या आयुष्याचा एक अविभाज्य घटक असतो. पण नोएडात या मैत्रीला काळिमा फासणारी घटना समोर आली आहे. मित्राने आपल्या जीवलग मित्रावर खोटा आरोप केला. हा आरोप मित्राच्या जिव्हारी लागला आणि त्याने आपल्या मित्राचाच काटा काढल्याची घटना नोएडात घडली आहे. पोलिसांनी आरोपी मित्राला अटक केली आहे. पोलीस पुढील कारवाई करत आहेत. रोहित असे आरोपी मित्राचे नाव आहे, तर शिवम असे मयत मित्राचे नाव आहे. या घटनेमुळे परिसरात एकच खळबळ उडाली आहे.

शिवमने रोहितवर चोरीचा आरोप केला होता

रोहित आणि शिवम दोघेही चांगले मित्र होते. दोघेही भंगेल गावात राहत होते आणि नेहमी सोबत असायचे. शिवम मध्य प्रदेशातील सतना जिल्ह्यातील रहिवासी होता. काही महिन्यांपूर्वी त्याचे लग्न झाले होते. यानंतर तो पत्नीसह भंगेल गावात रहायला आला होता. रविवारी रात्री तो रोहितला भेटायला गेला होता. यावेळी शिवमने रोहितवर पैसे चोरल्याचा आरोप केला. रोहितला मित्राच्या या आरोपामुळे खूप वाईट वाटले.

सर्वांसमोर अपमान केल्याने रोहितने शिवमला संपवले

शिवमच्या आरोपामुळे रोहितला सर्वांसमोर अपमानास्पद वाटले. यामुळे तो संतापला होता. संतापाच्या भरात राजूने शिवमवर जीवघेणा हल्ला केला. यात शिवमचा जागीच मृत्यू झाला. घटनेची माहिती मिळताच पोलिसांनी घटनास्थळी दाखल होत मृतदेह ताब्यात घेताल. मृतदेह शवविच्छेदनासाठी रुग्णालयात पाठवला. तपासादरम्यान पोलिसांना मित्रानेच शिवमची हत्या केल्याची माहिती मिळाली. पोलिसांनी आरोपीला तात्काळ अटक केली असून, पुढील तपास करत सुरु आहे.