गर्भवती महिलेवर बलात्कार करत तिघांची हत्या, ब्रिटनमधील ‘त्या’ नराधमाला जन्मठेप

ब्रिटन : ब्रिटनच्या वेस्ट मिडलँड्स (West Midlands)मध्ये गर्भवती महिलेवर बलात्कार करून तिच्यासह तिघांची हत्या करणाऱ्या नराधमाला ब्रिटनमधील वॉर्विक क्राउन न्यायालयाकडून जन्मठेपेची शिक्षा सुनावण्यात आली आहे. या आरोपीने सहा दिवसात तिघांच्या हत्या केल्या होत्या. अँथनी रसेल (Anthony Russell) असे या आरोपीचे नाव आहे. तर ज्युली विल्यम्स (58), त्याचा मुलगा डेव्हिड विल्यम्स (31) आणि निकोल मॅकग्रेगर (31) अशी हत्या करण्यात आलेल्या तिघांची नावे आहेत. नराधमाने सहा दिवसात या तिघांची हत्या केली होती. (Accused of raping pregnant woman and killing three sentenced to life imprisonment)

अँथनी रसेलला 2020 मध्ये निकोल मॅकग्रेगरवर बलात्कार केल्याप्रकरणी दोषी ठरवण्यात आले. निकोल त्यावेळी 5 महिन्यांची गर्भवती होती. बलात्कारानंतर रसेलने निकोलची गळा दाबून हत्या केली होती. वॉर्विक क्राउन कोर्टात शिक्षा सुनावताना न्यायमूर्तींनी ही ‘असाधारण गंभीर’ बाब असल्याचे म्हटले होते.

तिघेही अचानक बेपत्ता आणि काही दिवसांनी मृतदेह सापडले

मयत ज्युली विल्यम्स यांनी 23 ऑक्टोबर 2020 रोजी आपला मुलगा डेव्हिडच्या हरवल्याची तक्रार दाखल केली होती. दोन दिवसांनंतर, ज्युली बेपत्ता झाल्याची तक्रार त्यांच्या बहिणीने पोलिसांना दिली. त्यानंतर पोलिसांना ज्युलीचा मृतदेह सापडला. त्यांच्या शरीरावर 100 हून अधिक जखमा होत्या. यानंतर पोलिसांनी डेविडचाही मृतदेह सापडला. या हत्याकांडानंतर अँथनीने लूट करुन शहरातून पळ काढला. लेमिंग्टन शहरात आल्यानंतर काही तासांनी त्याने निकोल मॅकग्रेगरवर बलात्कार करत तिची हत्या केली. काही दिवसांनी निकोलचा मृतदेह घनदाट जंगलात सापडला. तिच्या शरीरावर अनेक जखमांच्या खुणा होत्या.

पुण्यात धारदार शस्त्राने वार करत इसमाची आत्महत्या

पुणे जिल्ह्याच्या जुन्नर तालुक्यातील कावळ पिंपरी येथे 9 तारखेला मध्यरात्री अज्ञात आरोपींनी धारदार शस्त्राने वार करत एका इसमाची निर्घृणपणे हत्या केल्याची घटना उघडकीस आली आहे. रोहिदास पाबळे (38) असे हत्या करण्यात आलेल्या इसमाचे नाव आहे. या प्रकरणाचा पुणे ग्रामीण पोलिसांनी कसून तपास करत स्थानिक गुन्हे शाखा आणि नारायणगाव पोलिसांनी या हत्येचा 24 तासांत छडा लावत दोन आरोपींना अटक केली आहे. कुणाल बोरुडे आणि सुफियान आतार अशी अटक करण्यात आलेल्या दोन आरोपींची नावे आहेत. याप्रकरणी पुढील तपास पुणे ग्रामीण पोलिस करत आहेत. (Accused of raping pregnant woman and killing three sentenced to life imprisonment)

इतर बातम्या

Pune Crime| पुण्यात तुझ्या-माझ्या लफड्याविषयी’ घरी सांगेन म्हणत अल्पवयीन मुलीला प्रियकरानेच लुटलं

Video: जत्रा पहायला गेलेल्या मुलींवर सरेआम लैंगिक अत्याचार! मध्य प्रदेशची टाळकं गरम करणारी घटना