लग्नाला नकार दिल्याने बॉयफ्रेंड भडकला; गर्लफेंडला पेट्रोल टाकून जिंवत जाळलं

एका खोलीत सर्वत्र धूरच धूर होता. खोलीतील सर्व साहित्य जळून खाक झालं होतं. तर एका बाजूला एका तरुणीचा मृतदेह पडलेला होता. खोलीतील तरुणीने आत्महत्या केल्याचा संशय व्यक्त केला जात होता. परंतु पोलिसांनी त्वरित निष्कर्ष काढला नाही. या मृत तरुणीच्या पोस्टमार्टम रिपोर्ट आला. त्यानंतर तरुणीच्या मृत्यूला वेगळंच वळण लागलं.

मध्य प्रदेशच्या इंदूरच्या खजराना भागातील ही घटना घडली आहे. तपेश्वरी बाग कॉलनीच्या एका भाड्याच्या खोलीत बँकमध्ये काम करणाऱ्या तरुणीचा जळलेल्या अवस्थेत मृतदेह सापडला. मागील दोन दिवसांपासून तरुणी कुटुंबाच्या संपर्कात नव्हती. खोलीतील सर्व परिस्थिती पाहून पोलिसांनी आत्महत्येचा संशय व्यक्त केला. तर पोस्टमार्टम रिपोर्टमध्ये तरुणीचा मृत्यूने आगीत होरपळून झाला नसल्याचा दावा केला आहे. पोलिसांच्या माहितीनुसार, तरुणीचा मृत्यू हा गळा दाबून हत्या केल्यानंतर झाल्याचे सांगण्यात येत आहे.

पोलिसांनी या प्रकरणी अनेक पुरावे गोळा करण्यास सुरुवात केली. पोलिसांनी घटनास्थळावरून अनेक पुरावे गोळा केले. तसेच घटनास्थळाच्या आजूबाजूच्या सीसीटीव्ही फुटेजची तपासणी केली. त्यावेळी एका सीसीटीव्ही फुटेजमधून एक तरुण पेट्रोलचा डबा घटनास्थळी घेऊन जाताना दिसत आहे. .या पुरावाच्या आधारे पोलिसांनी पुढील तपास सुरू केला. याच पुरावाच्या आधारे पोलीस आरोपीपर्यंत पोहोचले.

पेट्रोल टाकून जिवंत जाळलं 

मयंक शाक्य असे आरोपीचे नाव असल्याचे समोर आलं आहे. पोलिसांनी दिलेल्या माहितीनुसार, दोघे एकमेकांना मागील पाच वर्षांपासून ओळखत होते. दोघांमध्ये लग्नावरून वाद सुरू होते. पोलिसांच्या माहितीनुसार, पलकने मयंकला लग्नास नकार दिला. त्यानंतर मयंकने पलकची गळा दाबून हत्या केली. त्यानंतर पलकच्या अंगावर पेट्रोल टाकून पेटवून दिलं. त्यानंतर पलकने घरात आत्महत्या केली असावी, अशी स्थिती निर्माण केली.

पोलिसांकडून मयंकच्या विरोधात गुन्हा दाखल

मयंकने हत्या केल्याचे पुरावे मिटवायचे होते. तसेच तपासाला दुसरे वळण द्याचे होते. परंतु पोस्टमार्ट रिपोर्ट आल्यानंतर सगळा प्रकार उघडकीस आला. पोलिसांनी या प्रकरणी आरोपी मयंकला अटक केली. त्यानंतर हत्या करून पुरावे नष्ट केल्याप्रकरणी विविध कलमाअंतर्गत गुन्हा दाखल केला आहे. आता पोलिसांकडून त्याची कसून चौकशी सुरू आहे.