नांदेडमध्ये बापलेकाची हत्या, वडिलांचा मृतदेह पोलिसांनी उकरुन काढला, अल्पवयीन मुलगा बेपत्ता

नांदेड : पितापुत्राची हत्या (Father Son Murder) झाल्याची धक्कादायक घटना उघडकीस आली आहे. मजुरांच्या दोन गटांमध्ये आपसात झालेल्या वादातून ही हत्या झाल्याचा आरोप आहे. नांदेड जिल्ह्यातील (Nanded Crime) कुंडलवाडी इथे हा प्रकार घडल्याचं समोर आलं आहे. परप्रांतीय पितापुत्र मजुरांची हत्या (Labor Murder) करण्यात आलीय. वडिलांचा पुरलेला मृतदेह पोलिसांनी उकरुन काढला, तर मयत अल्पवयीन मुलाचा शोध अद्याप लागलेला नाही. रशीद खान असं 45 वर्षीय पित्याचं नाव आहे. तर त्यांचा मुलगा 17 वर्षांचा होता. राजस्थानहून पिकांची काढणी करण्यासाठी आलेल्या या मजुरांच्या गटात आपापसात वाद झाला होता. या भांडणातूनच ही हत्या झाल्याचा आरोप केला जात आहे. मयत रशीद खान यांच्या पत्नीच्या तक्रारीवरुन पोलिसांनी गुन्हा दाखल केला. हत्या प्रकरणी पाच आरोपीना अटक करण्यात आली आहे.

काय आहे प्रकरण?

नांदेड जिल्ह्यातील कुंडलवाडी इथे पिता-पुत्राची हत्या झाल्याची घटना समोर आली आहे. मयत दोघेही परप्रांतीय मजूर असल्याची माहिती आहे. मजुरांच्या दोन गटांमध्ये आपसात झालेल्या वादातून ही हत्या झाल्याचा आरोप आहे.

वडिलांचा पुरलेला मृतदेह उकरला

वडिलांचा पुरलेला मृतदेह पोलिसांनी उकरुन बाहेर काढला, तर अल्पवयीन मुलाचा शोध अद्याप लागलेला नाही. 45 वर्षीय पित्याचं नाव रशीद खान असून तर त्यांचा मुलगा 17 वर्षांचा होता.

रशीद खान यांच्या पत्नीच्या तक्रारीवरुन पोलिसांनी गुन्हा दाखल केला आहे. पिकांची काढणी करण्यासाठी राजस्थानहून आलेल्या या मजुरांच्या गटात आपापसात वाद झाला होता. या भांडणातूनच ही हत्या झाल्याचा आरोप करण्यात आला आहे.

पाच जणांना बेड्या

हत्या प्रकरणी पाच आरोपींना पोलिसांनी बेड्या ठोकल्या आहेत. अतिरीक्त पोलीस अधीक्षक विजय कबाडे हे स्वतः या दुहेरी हत्याकांडाचा तपास करत आहेत.

संबंधित बातम्या :

मध्यरात्री भररस्त्यात हल्ला, 40 वर्षीय व्यक्तीच्या खुनाने परभणीत खळबळ

बहिणीला त्रास देणाऱ्या भाऊजींची हत्या, लातूरमध्ये दोघा मेव्हण्यांना बेड्या

पत्नीला प्रियकरासोबत नको त्या अवस्थेत रंगेहाथ पकडले, पतीचं टोकाचं पाऊल