VIDEO: गंभीर गुन्ह्यातील महिला आरोपी पळण्याच्या प्रयत्नात रेल्वे ट्रॅकवर पडली, पोलीस अधिकाऱ्याने वाचवला जीव

मुंबई: दादर रेल्वे स्थानकात नुकतीच एक थरारक घटना घडल्याचे समोर आले आहे. याठिकाणी एक महिला आरोपी पोलिसांच्या (Police) तावडीतून पळण्याच्या प्रयत्नात रेल्वे ट्रॅकवर पडली. त्यावेळी एका पोलीस अधिकाऱ्याने धाडस दाखवत या महिलेचा जीव वाचवला. (Police officer save life of criminal in Mumbai)

पोलिसांनी दिलेल्या माहितीनुसार, ही महिला गंभीर गुन्ह्यातील आरोपी आहे. दादर स्थानकातील फलाट क्रमांक चारवरुन  पोलीस महिला आरोपीला घेऊन जात होते. त्यावेळी महिला आरोपीने समोरुन येणारी लोक गाडी पाहून तेथून पळून जाण्याचा प्रयत्न केला. पोलिसांचा हात झटकून या महिलेने प्लॅटफॉर्मवरुन उडी मारली. पण अचानक उडी मारल्यामुळे ती तोल जाऊन खाली पडली.

गंभीर गुन्ह्यातील महिला आरोपी पळण्याच्या प्रयत्नात रेल्वे ट्रॅकवर पडली, पोलीस अधिकाऱ्याने वाचवला जीव #Mumbai #Crime #Police #LocalTrain pic.twitter.com/kD8HJwycCG

— TV9 Marathi (@TV9Marathi) May 29, 2021

त्यावेळीच समोरून लोकल ट्रेन येत होती. तेव्हा सहाय्यक पोलीस निरीक्षक अर्जुन घनवट यांनी कमालीचं शौर्य दाखवत आणि सावधगिरी बाळगत ट्रेन येण्यापूर्वीच तिला ट्रॅकवरून बाजूला केले. स्टेशनवर बसविण्यात आलेल्या सीसीटीव्हीमध्ये संपूर्ण घटना कैद झाली आहे. पळून जाणारी महिला ही एका गंभीर गुन्ह्यातील आरोपी आहे.

संबंधित बातम्या:

आरोपीला मारहाण करणं अंगाशी, पाच पोलिसांवर खुनाचा गुन्हा दाखल, सीआयडीने तपास नेमका कसा केला?

सुशांतसिंह राजपूत आत्महत्या प्रकरणात 35 वी अटक, डॅशिंग अधिकारी समीर वानखेडेंवर कौतुकाचा वर्षाव

उल्हासनगरच्या गार्डनमध्ये गर्दुल्ल्याचा ब्लेड हल्ला, बालिका गंभीर जखमी

(Police officer save life of criminal in Mumbai)