पती-पत्नीच्या वादात मध्यस्थी भोवली, पोलिसाकडून सासऱ्यांची गोळी झाडून हत्या

आरोपी पोलीस जवान आणि त्याच्या पत्नीमध्ये गेल्या काही दिवसांपासून वाद सुरु होता. हे भांडण मिटवण्यासाठी सासरे मारोती मट्टामी जावयाच्या घरी आले होते. त्यावेळी पोलिसाने त्यांच्यावर गोळीबार केला

पती-पत्नीच्या वादात मध्यस्थी भोवली, पोलिसाकडून सासऱ्यांची गोळी झाडून हत्या
गडचिरोलीत जावयाकडून सासऱ्यांची हत्या

गडचिरोली : कौटुंबिक वादातून पोलिसाने सासऱ्याची गोळ्या झाडून हत्या केल्याचा धक्कादायक प्रकार उघडकीस आला आहे. पती-पत्नीतील वाद मिटवण्यास मध्यस्थी करणाऱ्या सासऱ्यांना प्राण गमवावे लागले. गडचिरोलीतील पोलीस दलात कार्यरत शिपायाला अटक करण्यात आली आहे. (Gadchiroli Police Jawan Son in law kills Father in Law)

वाद मिटवण्यासाठी लेकीच्या घरी

आरोपी मनोज गावडे हा गडचिरोली जिल्ह्यातील अहेरी येथे पोलीस दलात कार्यरत होता. मनोज आणि त्याच्या पत्नीमध्ये गेल्या काही दिवसांपासून वाद सुरु होता. हे भांडण मिटवण्यासाठी सासरे मारोती मट्टामी जावयाच्या घरी आले होते. यावेळी जावई आणि सासरा यांच्यातील वाद विकोपाला गेला.

बंदुकीतुन सासऱ्यांवर गोळ्या

रागाच्या भरात मनोज गावडे याने आपल्याकडे असलेल्या बंदुकीतुन सासऱ्यांवर गोळ्या झाडल्या. त्यात सासरे मारोती मट्टामी यांचा मृत्यू झाला आहे. गडचिरोलीतील धर्मपुरी वार्तामध्ये मध्यरात्री हा प्रकार घडला. या प्रकरणी पोलीस शिपाई मनोज गावडेला पोलिसांनी अटक केली आहे.

वसईत सासूकडून सुनेची निर्घृण हत्या

दरम्यान, वसईत सासूने सुनेची निर्घृण हत्या केल्याची धक्कादायक घटना गेल्या वर्षी उघडकीस आली होती. हत्येनंतर सासूने स्वत:च पोलिस ठाण्यात जाऊन या घटनेची माहिती दिली होती. सून झोपेत असताना सासूने तिच्या डोक्यात फ्लॉवर पॉटने सात ते आठ वेळा वार केले होते. सुनेविषयीच्या द्वेषातून सासूने टोकाचं पाऊल उचललं होतं.

लग्नापासूनच सासू त्रास देत असल्याचा आरोप मयत सूनेच्या वडिलांनी केला होता. लग्नात सर्व काही देऊनही माझ्या मुलीला सासू त्रास देत होती, म्हणून तिला झोपेतच मारलं, असा आरोपही माहेरच्यांनी केला होता.

संबंधित बातम्या :

अमेरिकेहून आलेल्या सूनेची झोपेतच हत्या, डोक्यात फ्लॉवर पॉटने आठ वेळा वार

पुण्यात मास्कचा गैरफायदा घेत नवऱ्याचा प्रताप, कडक लॉकडाऊनमध्ये पत्नीची संपत्ती हडपली

(Gadchiroli Police Jawan Son in law kills Father in Law)

Read Full Article

Click on your DTH Provider to Add TV9 MARATHI