बंगळुरुच्या अल्पवयीन मुलीला लग्नाचे आमिष, यवतमाळला नेऊन अत्याचार, विवाहित भामट्याला बेड्या
मराठवाड्यातील नांदेड जिल्ह्यातील दत्ता हिरामण राठोड नावाच्या विवाहित भामट्याने कर्नाटक राज्यातील बंगळुरु येथील एका अल्पवयीन मुलीला प्रेमाच्या जाळ्यात ओढले. तिला नांदेड जिल्ह्यातील माहूर येथे बोलावले.
यवतमाळ : समाज माध्यमांचा दुरुपयोग करुन नांदेडमधील विवाहित व्यक्तीने बंगळुरुच्या अल्पवयीन मुलीला प्रेमाच्या जाळ्यात ओढले. त्यानंतर तिला यवतमाळला नेऊन आरोपीने तिच्यावर अत्याचार केल्याचा आरोप केला जात आहे. अल्पवयीन मुलींना लग्नाचे आमिष दाखवून आरोपी त्यांना देहविक्रीच्या रॅकेटमध्ये ओढत असल्याची बाब समोर आली आहे
नेमकं काय घडलं?
मराठवाड्यातील नांदेड जिल्ह्यातील दत्ता हिरामण राठोड नावाच्या विवाहित भामट्याने कर्नाटक राज्यातील बंगळुरु येथील एका अल्पवयीन मुलीला प्रेमाच्या जाळ्यात ओढले. तिला नांदेड जिल्ह्यातील माहूर येथे बोलावले. मात्र माहूरमध्ये आपल्याला ओळखत असल्याने आरोपीने पीडित मुलीला यवतमाळमधील आर्णी येथील मारिया सलमान खान हिच्या घरी आणले.
गेल्या गुरुवारपासून ते दोघे मारियाच्या घरी एकाच खोलीत राहत होते. त्यामुळे आर्णी पोलिसांना संशय आला. त्यांनी दोघांना पोलिस स्टेशनमध्ये बोलावून विचारपूस केली. तेव्हा पीडित अल्पवयीन मुलीने सत्य परिस्थिती सांगितली. आर्णी पोलिसांनी बंगळुरु पोलिसांसोबत संपर्क करुन त्यांना माहिती दिली आणि आंतरराज्य टोळीचा छडा लावला.
लग्नाच्या आमिषाने मुलीला नांदेडला बोलावले
आरोपी दत्ताने फेसबुकवर फेक अकाऊण्ट तयार करुन बंगळुरु शहरातील 16 वर्षांच्या मुलीसोबत मैत्री केली. माझे तुझ्यावर प्रेम आहे, मी तुझ्याशिवाय जिवंत राहू शकत नाही, असे सांगून त्याने मुलीला लग्नाचे आमिष दाखवले. पीडितेला त्याने बंगळुरुहून नागपूर मार्गे माहूरला बोलवले.
माहूरहून ते दोघे आर्णी येथील मारिया खान यांच्या घरी तीन दिवस एकाच खोलीत थांबले. दत्ता राठोड याने आपल्यावर अत्याचार केल्याचा आरोप पीडित अल्पवयीन मुलीने केला आहे. बंगळुरु शहर पोलीस स्टेशनमध्ये अपहरणाचा गुन्हा दाखल करण्यात आला आहे. आरोपी तरुण अल्पवयीन मुलींना प्रेमाच्या जाळ्यात ओढून त्यांना देहविक्रीच्या रॅकेटमध्ये ओढत असल्याची बाब पुढे आली आहे.
संबंधित बातम्या :
दारुड्या काकाचा सात वर्षांच्या पुतणीवर लैंगिक अत्याचाराचा प्रयत्न, स्थानिकांकडून चोप
जुगारात हरलेले पैसे मिळवण्यासाठी साताऱ्यात तरुणाची हत्या, चांदीच्या तुटलेल्या चेनवरुन उलगडा
कॅटरर्स चालकाची गळफास घेऊन आत्महत्या, सुसाईड नोटमध्ये तिघांची नावं
(Yawatmal Married Man arrested for luring minor girl from Bangalore on pretext of marriage)
