9 वर्षांपासून ट्रेंड करतेय ही सीरिज, प्रत्येक सीन पाहून अंगावर येतो काटा, फ्रीमध्ये पाहू शकता संपूर्ण भाग

Horror Drama Series : बॉलिवूडमध्ये असे काही चित्रपट आहेत, जे प्रेक्षकांना इतके आवडतात की लोक ते अनेकदा बघतात. यामध्ये सर्वात जास्त प्रेक्षक हे हॉरर चित्रपट बघतात. असाच एक चित्रपट ज्याची कथा प्रेक्षकांना फक्त घाबरवून सोडत नाही तर त्या प्रेक्षकांना भावनिक स्तरावरही जोडून ठेवते.

अलौकिक घटना, त्यात मिसळलेले प्रेम, पश्चात्ताप आणि दडलेली भीतीदायक सत्ये या सगळ्यामुळे कथा अधिक प्रभावी बनते. पार्श्वसंगीत आणि निवडलेली लोकेशन हळूहळू तणाव वाढवत नेतात तर प्रत्येक भागासोबत प्रेक्षक पात्रांच्या अधिक जवळ जातात. भीती आणि नाट्य यांचा समतोलच अशा मालिकांना खास बनवतो आणि म्हणूनच या प्रकारच्या सिरीज जगभर लोकप्रिय ठरतात.

आम्ही ज्या सीरिजबद्दल बोलत आहोत तो 2017 साली प्रदर्शित झाला होता. ती तुर्की हॉरर–ड्रामा सिरीज आहे. ‘साहिपली’ इंग्रजी नाव ‘Possessed’ असे या सीरिजचे नाव आहे. या सीरिजचे दिग्दर्शन प्रसिद्ध हॉरर दिग्दर्शक Alper Mestçi यांनी केले आहे.

ही कथा बुशरा नावाच्या डॉक्टर मुलीभोवती आणि सेलीम नावाच्या शिक्षकाभोवती फिरते. दोघेही आपल्या भूतकाळातील जखमा घेऊन एका गावात पोहोचतात. त्या गावात पोहोचल्यानंतर त्यांच्या आयुष्यात अशा काही घटना घडू लागतात ज्यामुळे वातावरण हळूहळू भयावह वळण घेते.

कथा आणि पात्रांची गुंतागुंत

या मालिकेत Funda Güray, Baran Akbulut आणि Ferit Kaya यांसारखे दमदार तुर्की कलाकार महत्त्वाच्या भूमिकांमध्ये आहेत. कथेनुसार, बुशराचे लग्नाच्या रात्रीच पतीचे निधन होते. या धक्क्यातून सावरण्यासाठी ती आपल्या गावात परतते. मात्र तिथे तिच्या आजूबाजूला विचित्र आणि भीतीदायक घटना घडू लागतात. अशा परिस्थितीत ती सेलीमच्या जवळ येते. परंतु सेलीमचाही एक गडद भूतकाळ आहे, जो पुढे उलगडत जातो. गावातील जुन्या समजुती आणि अंधश्रद्धा यामुळे वातावरण अधिक रहस्यमय बनते.

या सीरिजचे एकूण 10 भाग आहेत. प्रत्येक भाग सुमारे 40 ते 45 मिनिटांचा आहे. IMDb वर या सीरिजला 6.8 इतकी रेटिंग मिळाली आहे. भारतातही या सीरिजला चांगला प्रतिसाद मिळत आहे. विशेषतः साउंड डिझाईन आणि भयावह वातावरणामुळे प्रेक्षक मालिकेशी जोडले जातात. रोमान्स आणि हॉररचा संगम या सीरिजला वेगळी ओळख देतो.