2025 चा सर्वात मोठा हॉरर-कॉमेडी चित्रपट, OTT वर येताच बनला नंबर-1, बघताना देखील प्रेक्षक घाबरायचे

ओटीटी प्लॅटफॉर्मवर दर आठवड्याला नवनवीन चित्रपट आणि वेब सिरीज रिलीज होत असल्यामुळे प्रेक्षकांच्या पसंतीतही सतत बदल होताना दिसतो आहे. कधी थ्रिलर, कधी रोमँटिक ड्रामा तर कधी सत्य घटनांवर आधारित कथा प्रेक्षकांना अधिक भावतात.

अशातच आता या स्पर्धेत अलीकडेच एका चित्रपटाने प्रेक्षकांचं प्रचंड लक्ष वेधून घेतलं आहे. हा चित्रपट म्हणजे ‘ॲनाकोंडा’, जो ओटीटीवर रिलीज होताच थेट नंबर-1 ट्रेंडिंगवर पोहोचला आहे. काही तासांतच या चित्रपटाने प्रचंड लोकप्रियता मिळवली असून सोशल मीडियावर त्याचे क्लिप्स आणि रिव्ह्यू मोठ्या प्रमाणावर व्हायरल होत आहेत. प्रेक्षकांकडून या चित्रपटाच्या कथा, दिग्दर्शन आणि अभिनयाचं भरभरून कौतुक केलं जात आहे.

भयानक वास्तवाचा सामना

हा चित्रपट 2025 मध्ये थिएटरमध्ये प्रदर्शित झाला होता. कथानक चार मित्रांभोवती फिरतं, जे त्यांच्या रोजच्या कंटाळवाण्या आयुष्याला कंटाळलेले असतात. काहीतरी वेगळं आणि थरारक करण्यासाठी ते त्यांच्या जुन्या आवडत्या हॉरर चित्रपटाची आठवण काढतात आणि त्याचं पुन्हा शूटिंग करण्याचा प्लॅन आखतात. या कल्पनेनुसार ते ब्राझीलमधील दाट आणि धोकादायक जंगलात पोहोचतात, जिथे त्यांना ‘ॲनाकोंडा’सारख्या भयानक वास्तवाचा सामना करावा लागतो.

जंगलात जसजसे ते पुढे जातात, तसतसा चित्रपटात सस्पेन्स आणि थ्रिल वाढत जातो. सुरुवातीला ही एक मजेदार ट्रिप असल्यासारखे वाटते, पण हळूहळू त्यांना कळतं की काहीतरी अदृश्य धोका त्यांच्या मागे लागला आहे. दाट जंगल, अंधार आणि विचित्र आवाज यामुळे भीतीचं वातावरण अधिक जास्त होतं.

418 कोटी बजेट अन् कमाई 1248 कोटी रुपये

चित्रपटाचा सर्वात रोमांचक भाग तेव्हा येतो, जेव्हा हे मित्र प्रत्यक्ष एका विशाल ॲनाकोंडासमोर येतात. त्या वेळी त्यांची बनावट साधनं आणि योजना पूर्णपणे फेल होतात. अशा गंभीर परिस्थितीतही जैक ब्लैक आणि पॉल रुड आपल्या कॉमिक अभिनयाने प्रेक्षकांना हसवतात. त्यामुळे चित्रपटात भीतीसोबत मनोरंजनही बघायला मिळते.

ॲनाकोंडा हा चित्रपट मोठा हिट ठरला. सुमारे 418 कोटींच्या बजेटमध्ये बनलेल्या या चित्रपटाने जवळपास 1248 कोटींची कमाई केली. जरी चित्रपटाला मिश्र प्रतिक्रिया मिळाल्या असल्या तरी ओटीटीवर त्याची लोकप्रियता झपाट्याने वाढत आहे. थरार, विनोद आणि साहस यांचा उत्तम संगम असलेला हा चित्रपट सध्या ओटीटीवर प्रेक्षकांसाठी एक परफेक्ट मनोरंजन पॅकेज ठरत आहे.