32 वर्षांपूर्वीचा सुपरहिट चित्रपट, ज्यामधील प्रत्येक गाणं ठरलं हिट, ऐकताच डोळ्यात येते पाणी, आजही लोक..
32 वर्षांपूर्वीचा सर्वात मोठा सुपरहिट चित्रपट, ज्यामधील 7 गाणी ठरली होती प्रचंड हिट, जी ऐकताच लोकांच्या डोळ्यांमध्ये यायचे पाणी. आजही Youtube वर लोक सर्च करून ऐकतात.
बॉलिवूड सुपरस्टार अजय देवगनचा फिल्मी प्रवास आज यशस्वी मानला जातो. गेल्या तीन दशकांपासून तो बॉक्स ऑफिसवर आपली छाप कायम ठेवताना दिसतो आहे. त्याच्या दमदार अभिनयामुळे प्रेक्षक त्याचे चाहते झाले आहेत. मात्र, त्याच्या करिअरमध्ये एक असा काळही आला होता, जेव्हा त्याचे सलग चित्रपट फ्लॉप ठरत होते.
1991 साली अजय देवगनने बॉलिवूडमध्ये पदार्पण केले. सुरुवातीला त्याला चांगली प्रसिद्धी मिळाली पण त्यानंतर काही काळ त्याच्या वाट्याला अपयशच आले. 1993 च्या सुमारास त्याचे अनेक चित्रपट अपयशी ठरले. अशा परिस्थितीत 1994 मध्ये त्याच्या हातात एक असा चित्रपट आला, ज्याने त्याच्या करिअरला नवसंजीवनी दिली.
11 कोटी रुपयांहून अधिक कमाई
हा चित्रपट म्हणजे ‘दिलवाले’. या अॅक्शन-ड्रामा चित्रपटात अजय देवगन सोबत रवीना टंडन आणि सुनिल शेट्टी प्रमुख भूमिकेत होते. या चित्रपटात अजय देवगनने ‘अरुण’ हे पात्र साकारले, तर रवीना टंडनने ‘सपना’ची भूमिका केली. सुनील शेट्टीने पोलिस इन्स्पेक्टर विक्रमची भूमिका साकारली होती. अॅक्शन आणि रोमांसचा उत्तम मिलाफ असलेल्या या चित्रपटाने प्रेक्षकांची मनं जिंकली.
सुमारे 2 कोटी रुपयांच्या बजेटमध्ये तयार झालेल्या या चित्रपटाने बॉक्स ऑफिसवर 11 कोटी रुपयांहून अधिक कमाई केली आणि सुपरहिट ठरला. विशेष म्हणजे, या चित्रपटापूर्वी अजय देवगनचे सलग आठ चित्रपट फ्लॉप झाले होते. त्यामुळे ‘दिलवाले’च्या यशाने त्याच्या करिअरला मोठा आधार मिळाला आणि तो पुन्हा सुपरस्टार म्हणून उभा राहिला.
चित्रपटातील 7 गाणी ठरली सुपरहिट
या चित्रपटाची आणखी एक मोठी ताकद म्हणजे त्यातील गाणी. चित्रपटात एकूण सात गाणी होती, ज्यापैकी ‘कितना हसीन चेहरा’, ‘सातों जन्म में तेरे’ आणि Jeeta Tha Jiske Liye ही गाणी विशेष गाजली. या गाण्यांना नदीम-श्रवण यांनी संगीत दिले होते, जे त्या काळात अत्यंत लोकप्रिय होते.
‘जीता था जिसके लिए’ हे गाणं 90 च्या दशकातील सर्वात आयकॉनिक सॅड गाण्यांपैकी एक मानलं जातं. या गाण्याच्या भावपूर्ण शब्दांमुळे आणि हळव्या धुनेमुळे ते आजही श्रोत्यांच्या मनाला भिडतं. आजही हे गाणं विविध म्युझिक प्लॅटफॉर्म्सवर मोठ्या प्रमाणावर ऐकलं जातं. हा चित्रपट केवळ एक सुपरहिट चित्रपट नव्हता तर अजय देवगनच्या करिअरसाठी टर्निंग पॉइंट ठरला. या चित्रपटाने त्याला पुन्हा यशाच्या शिखरावर नेलं आणि बॉलिवूडमध्ये त्याची मजबूत ओळख निर्माण झाली.
