बॉलिवूडमधील सर्वात उंच 5 अभिनेत्री, शेवटी इतकी उंच की अभिनेत्याला स्टूलचा करावा लागायचा वापर

बॉलिवूड अभिनेत्रींच्या सौंदर्याची आणि अभिनयाची नेहमीच चर्चा होत असते. मात्र काही अभिनेत्री त्यांच्या दमदार अभिनयासोबतच उंच आणि आकर्षक व्यक्तिमत्त्वामुळेही विशेष ओळखल्या जातात. चित्रपटांपासून रेड कार्पेट आणि फॅशन शोपर्यंत त्यांची उंची अनेकदा लक्ष वेधून घेते. विशेष म्हणजे यातील अनेक अभिनेत्रींची मॉडेलिंगच्या क्षेत्रातून मनोरंजनविश्वात एंट्री झाली आहे. यामध्ये कोण-कोणत्या अभिनेत्री आहेत ते पाहूयात सविस्तर.

नरगिस फाखरी – 5 फूट 9.5 इंच

‘रॉकस्टार’ या चित्रपटातून बॉलिवूडमध्ये पदार्पण करणारी अभिनेत्री नरगिस फाखरी उंच अभिनेत्रींच्या यादीत आहे. रिपोर्ट्सनुसार तिची उंची सुमारे 5 फूट 9.5 इंच आहे. मॉडेलिंगच्या पार्श्वभूमीमुळे तिचा ग्लॅमरस आणि उंच लूक सुरुवातीपासूनच चर्चेत राहिला.

दीपिका पदुकोण – 5 फूट 9 इंच

दीपिका पदुकोणची उंची सुमारे 5 फूट 9 इंच असल्याचे रिपोर्ट्समध्ये सांगितले जाते. ‘ओम शांती ओम’मधून बॉलिवूडमध्ये पदार्पण केल्यानंतर दीपिकाने ‘चेन्नई एक्सप्रेस’, ‘पीकू’, ‘बाजीराव मस्तानी’ आणि ‘पद्मावत’ यांसारख्या चित्रपटांतून आपली वेगळी ओळख निर्माण केली. तिच्या मॉडेलिंग बॅकग्राउंडसह उंचीही तिच्या व्यक्तिमत्त्वाची खासियत मानली जाते.

अनुष्का शर्मा – 5 फूट 9 इंच

अनुष्का शर्माचाही समावेश बॉलिवूडमधील उंच अभिनेत्रींच्या यादीत केला जातो. तिची रिपोर्टेड हाइट जवळपास 5 फूट 9 इंच आहे. ‘रब ने बना दी जोड़ी’मधून अभिनय क्षेत्रात पदार्पण केल्यानंतर तिने ‘बँड बाजा बारात’, ‘जब तक है जान’, ‘पीके’ आणि ‘सुलतान’ यांसारख्या चित्रपटांत काम केले.

कृति सेनन – 5 फूट 10 इंच

कृति सेनन ही बॉलिवूडमधील सर्वाधिक उंच अभिनेत्रींपैकी एक मानली जाते. रिपोर्ट्सनुसार तिची उंची सुमारे 5 फूट 10 इंच आहे. ‘हिरोपंती’मधून बॉलिवूडमध्ये पदार्पण केल्यानंतर तिने ‘बरेली की बर्फी’, ‘मिमी’ आणि ‘भेडिया’ यांसारख्या चित्रपटांत विविध भूमिका साकारल्या.

सुष्मिता सेन – 5 फूट 9 इंच

माजी मिस युनिव्हर्स सुष्मिता सेनची उंची तिच्या व्यक्तिमत्त्वाची सुरुवातीपासूनच खासियत राहिली आहे. रिपोर्ट्सनुसार तिची उंची 5 फूट 9 इंच आहे. सुष्मिताच्या उंचीशी संबंधित एक किस्साही चर्चेत असतो. एका चित्रपटाच्या शूटिंगदरम्यान तिच्यासोबतच्या सीनमध्ये सलमान खानला उंचीच्या फरकामुळे स्टूलचा वापर करावा लागल्याचे सांगितले जाते.

टीप: वरील उंचीचे आकडे विविध मीडिया रिपोर्ट्समध्ये नमूद केलेले आहेत; अभिनेत्रींची अधिकृत मोजमापे वेगळी असू शकतात.