कंगना राणावत हिने उडवली खिल्ली, थेट म्हणाली, घटस्फोट कशाला मग…

Kangana Ranaut

अभिनेत्री कंगना राणावत हे कायमच चर्चेत असणारे एक नाव आहे. कंगना राणावतची सोशल मीडियावर जबरदस्त अशी फॅन फॉलोइंग बघायला मिळते. कंगना राणावत हिने मंडी येथून लोकसभेची निवडणूक लढवली आहे आणि आता ती खासदार झालीये. कंगना राणावत ही सोशल मीडिया चांगलीच सक्रिय असते. सध्या कंगना ही तिच्या आगामी इमर्जन्सी चित्रपटाचे जोरदार प्रमोशन करतानाही दिसत आहे. लाफ्टर शेफमध्येही कंगना राणावत ही पोहोचली होती. कंगना राणावत हिच्या इमर्जन्सी चित्रपटाबद्दल चाहत्यांमध्ये एक क्रेझ बघायला मिळतंय. हेच नाही तर हा चित्रपट धमाका करेल, असेही सांगितले जातंय.

एका मुलाखतीमध्ये कंगना राणावत ही परत एकदा बॉलिवूडवर टीका करताना दिसली. यावेळी सर्वात होपलेस जागा ही चित्रपट क्षेत्र असल्याचेही तिने म्हटले. नुकताच आता कंगना राणावत हिने एक मुलाखत दिलीये. या मुलाखतीमुळे परत एकदा कंगना चर्चेत आलीये. यावेळी तिने एका मोठ्या बॉलिवूड अभिनेत्याची खिल्ली उडवल्याचे सांगितले जातंय.

मुलाखतीवेळी कंगना राणावत हिला विचारण्यात आले की, तू तुझ्या कोणत्या एक्सच्या संपर्कात असते का? यावर कंगना राणावत हिने थेट म्हटले की, मी कधीच माझ्या कोणत्या एक्सच्या संपर्कात राहिले नाहीये. मी नक्कीच त्या लोकांपैकी एक नाही की, घटस्फोटानंतरही आपल्या एक्सला सोना बेबी बोलतात.

जर तुम्हाला हेच बोलायचे आहे तर मग घटस्फोट किंवा ब्रेकअप कशाला करतात…एकत्र राहा मग…कंगना राणावत हिने हा निशाना आमिर खान याच्यावरच साधल्याचे सांगितले जाते. कारण काही दिवसांपूर्वीच दिलेल्या एका मुलाखतीमध्ये आमिर खान याच्याकडून स्पष्ट करण्यात आले की, दोन्ही एक्स पत्नींसोबत तो संपर्कात असतो. हेच नाही तर किरण राव आणि आमिर खान एकाच इमारतीमध्ये राहतात.

काही दिवसांपूर्वी दिलेल्या मुलाखतीमध्ये किरण राव हिने म्हटले होते की, माझा आणि आमिरचा घटस्फोट झाला असला तरीही आम्ही दोघे एकाच इमारतीमध्ये राहतो आणि आमचे जेवणही एकत्रच तयार होते. किरण राव हिच्या या विधानानंतर विविध चर्चा या रंगताना दिसल्या. मात्र, आता कंगना राणावत हिच्याकडून हे स्पष्ट करण्यात आले की, ती कधीच तिच्या एक्सच्या संपर्कात अजिबात नसते.