Video | ‘महाराष्ट्राज बेस्ट डान्सर’च्या मंचावर थिरकण्यासाठी पूजा सावंतने घेतली ‘इतकी’ मेहनत, पाहा व्हिडीओ…

मुंबई : मराठी सिनेसृष्टीतील ग्लॅमरस चेहऱ्यापैकी एक अशी ओळख असणारी अभिनेत्री पूजा सावंत (Pooja Sawant) सध्या चांगलीच चर्चेत आहे. पूजा सावंत ही महाराष्ट्राज् बेस्ट डान्सर या डान्स शोमध्ये जजची जबाबदारी पार पाडत होती. नेहमी आपल्या ग्लॅमरस लूकमुळे चर्चेत असलेली पूजा सावंत सोशल मीडियावरही बरीच चर्चेत असते. ‘महाराष्ट्राज बेस्ट डान्सर’मध्ये परीक्षकाची भूमिका निभावणाऱ्या पूजाने स्वतःदेखील एका नृत्यासाठी प्रचंड मेहनत घेतली होती. तिचा हा रिहर्सल व्हिडीओ सध्या चर्चेत आहेत (Actress Pooja Sawant Dance Rehearsal video for Maharashtras best dancer finale).

या व्हिडीओमध्ये पूजा डान्ससाठी तालीम अर्थात रिहर्सल करताना दिसत आहे. एका नृत्यासाठी किती मेहनत करावी लागते, हे पूजाच्या या व्हिडीओमधून दिसून येत आहे. या व्हिडीओत पूजासह सह परीक्षक धर्मेश येलांडे देखील दिसत आहे. ‘महाराष्ट्राज बेस्ट डान्सर’च्या महा अंतिम सोहळ्यासाठी ही तयारी सुरु होती. हा सोहळा नुकताच पार पडला आहे.

पाहा पूजा सावंतचा व्हिडीओ

प्रथमेश माने ठरला विजेता!

प्रसिद्ध डान्स शो ‘महाराष्ट्राज बेस्ट डान्सर’ स्पर्धेची अंतिम फेरी नुकतीच पार पडली. प्रथमेश माने याने या स्पर्धेचे विजेतेपद पटकावले आहे. प्रथमेशने आपल्या इन्स्ट्राग्राम अकाऊंटवरून फोटो शेअर करत प्रेक्षकांचे आभार मानले आहेत. प्रथमेशने विजयाचे श्रेय आपल्या चाहत्यांना आणि प्रेक्षकांना दिले आहे (Actress Pooja Sawant Dance Rehearsal video for Maharashtras best dancer finale).

महा अंतिम सोहळ्याला दिग्गजांची हजेरी!

मागील काही दिवसांपासून सोनी मराठी चॅनेलवर ‘महाराष्ट्रज बेस्ट डान्सर’ शो सुरू होता. अखेर 14 मार्च रोजी या शोच्या विजेत्याच्या नावाची घोषणा करण्यात आली. दरम्यान, ‘महाराष्ट्रज बेस्ट डान्सर’ शो च्या ग्रँड फिनालेमध्ये प्राची प्रजापती, दीपक हुलसुरे, अपेक्षा लोंढे, प्रथमेश माने आणि आदिती जाधव या स्पर्धकांचा समावेश होता. महाअंतिम सोहळ्याच्या निमित्ताने या शोमध्ये सचिन पिळगावकर आणि सुप्रिया पिळगावकर यांनीही उपस्थिती लावली होती.

पूजा सध्या चर्चेत!

हिंदीसह मराठी सिनेसृष्टीत डँशिंग पर्सनॅलिटी अशी ओळख असणारा अभिनेता गश्मीर महाजनी आणि अभिनेत्री पूजा सावंत एकमेकांना डेट करत असल्याची चर्चा मध्यंतरी खूप रंगली होती. व्हॅलेंटाईन वीक सुरु असताना या दोघांमधील काही खास मॅसेजेस समोर आले होते. यात गश्मीरने पूजासाठी काही तरी खास प्लॅन केल्याचेही म्हटले होते. मात्र, हा केवळ चित्रपट प्रमोशनचा भाग असल्याचे कळल्याने सगळ्या चर्चांना सुरुंग लागला.

‘लव्ह यू मित्रा’ या आगामी चित्रपटामध्ये पूजा सावंत, गश्मीर महाजनी ही बेस्टफ्रेन्ड्स असलेली जोडी प्रमुख भूमिकेत झळकणार असून आणखी एका कलाकारचे नाव मात्र अद्यापही गुलदस्त्यात आहे. त्यामुळे आता हा तिसरा कलाकार कोण असणार, हे जाणून घेणं औत्सुक्याचं ठरणार आहे.

(Actress Pooja Sawant Dance Rehearsal video for Maharashtras best dancer finale)

हेही वाचा :

मराठी मनोरंजन विश्वातल्या ‘या’ प्रसिद्ध जोडीला कोरोनाची लागण, घरातच झालेयत सेल्फ क्वारंटाईन

Marathi Movie : आर्ची दाखवणार ‘आठवा रंग प्रेमाचा’, नव्या चित्रपटाची घोषणाhttps://t.co/MOE8tT0iul#MarathiMovie #RinkuRajguru

— TV9 Marathi (@TV9Marathi) March 17, 2021