शस्त्रक्रियेवर अमिताभ बच्चन यांचा मोठा खुलासा, थेट म्हटले, माझ्या..

बॉलिवूडचे बिग बी अर्थात अमिताभ बच्चन यांनी काल सोशल मीडियावर एक पोस्ट शेअर केली. त्यांच्या या पोस्टमुळे चाहते चिंतेत होते. आयसीयू आणि सर्जरी याच्याबद्दल ते बोलताना दिसले. शस्त्रक्रिया झाल्यानंतर घरी आल्यावर स्थिती नक्की काय असते हे सांगताना अमिताभ बच्चन दिसले. ज्यामुळे त्यांच्या आरोग्याबद्दल चाहत्यांनी चिंता व्यक्त केली. त्यांच्या आरोग्याबाबत विविध चर्चा या रंगताना दिसल्या. अमिताभ बच्चन यांची मोठी शस्त्रक्रिया झाल्याचा अंदाज चाहत्यांनी लावला. यावर आता स्वत: अमिताभ बच्चन यांनी भाष्य केले. अमिताभ बच्चन यांनी त्यांच्या ब्लॉगमध्ये म्हटले होते की, दवाखान्यात शस्त्रक्रिया आणि आयसीयूमध्ये डॉक्टरांमध्ये राहून डिस्चार्ज होऊन परत वापस येणे खूप जास्त कठीण असते. अमिताभ बच्चन यांची ही पोस्ट पाहून चाहत्यांमध्ये चिंता वाढली.

अनेकांनी त्यांच्या आरोग्यासाठी प्रार्थनाही केली. आता अमिताभ बच्चन यांनी त्यांच्या पोस्टचा चुकीचा अर्थ काढला गेल्याचे म्हटले आहे. अमिताभ बच्चन यानी वॅराइटी इंडियासोबत बोलताना म्हटले की, मी एकदम ठीक आहे. माझी कोणतीही शस्त्रक्रिया झाली नाही. माझ्या पोस्टचा चुकीचा अर्थ काढला गेला. मी फक्त उदाहरण देत होतो की, शस्त्रक्रिया किंवा आयसीयूमधून परतल्यावर किती कठीण काळ असतो.

व्यक्ती आपल्या वाईट परिस्थितीवर कसा संघर्ष करतो. चॅम्पियन हरतो आणि त्यानंतर स्वत:ला सांभाळतो आणि पराभवातून बाहेर पडणे सर्वात कठीण असते. पुढे अमिताभ बच्चन यांनी म्हटले की, मी अर्जेंटिनाची स्पेनविरोधातील पराभव याबाबत बोलत होतो. यावर त्यांच्या हेल्थबद्दल प्रश्न विचारले असता त्यांनी म्हटले की, मी एकदम ठीक आहे.

अमिताभ बच्चन यांनी केलेली पोस्ट पाहून सर्वांनाच मोठा धक्का बसला होता. अमिताभ बच्चन यांच्या पोस्टवरून अंदाजा लावला जात होता की, त्यांची शस्त्रक्रिया झाली. शस्त्रक्रियेनंतर नक्की काय घडत आहे, हे सांगताना अमिताभ बच्चन दिसले. ज्यानंतर त्यांच्या चाहत्यांमध्ये चिंतेचे वातावरण बघायला मिळाले. अमिताभ बच्चन यांच्या आरोग्याबद्दल विविध चर्चा या रंगताना दिसल्या.