गोविंदाने 2- 4 लग्न केलीत आणि…! अभिनेत्याच्या अफेअरवर मॅनेजरने सोडलं मौन…, झालाय मोठा खुलासा

Govinda Love Life: बॉलिवूडमध्ये एक काळ असा होता, जेव्हा अभिनेता गोविंदा याच्या सर्वत्र चर्चा असायच्या. आता अभिनेता सिनेमांमध्ये पूर्वी सारखा दिसत नाही. मोठ्या पडद्यावर गोविंदा याला पाहण्यासाठी चाहते आजही उत्सुक आहेत. पण आता गोविंदा फक्त त्याच्या प्रोफेशनल आयुष्यामुळेच नाही तर, खासगी आयुष्यामुळे देखील चर्चेत असतो. नुकताच, गोविंदा यांच्याबद्दल अनेक गोष्टी देखील समोर आल्या. काही दिवसांपूर्वी अशा देखील चर्चा रंगल्या होत्या की, गोविंदा याचं कोणत्या मराठी अभिनेत्रीसोबत प्रेम प्रकरण सुरु आहे. विवाहित असताना देखील अभिनेत्याच्या अफेअरच्या चर्चांनी जोर धरलेला. ज्यामुळे चाहते देखील हैराण झाले होते.

अफेअरच्या चर्चांवर गोविंदा याची पत्नी सुनीता आहुजा हिनेही प्रतिक्रिया दिली. नुकताच तिने म्हटलं होतं की, जर गोविंदाच्या अफेअरची बातमी खरी असेल तर ती त्याला कधीही माफ करणार नाही. गोविंदा आणि सुनीता यांचे लग्न तुटण्याच्या मार्गावर असल्याची अफवाही पसरली होती.

त्यानंतर काही आठवड्यांपूर्वी गोविंदा आता छोट्या इव्हेटमध्ये नाचताना दिसला. अभिनेत्याचा व्हिडीओ देखील सर्वत्र व्हायरल झाला. व्हिडीओवर अनेकांनी म्हटलं, गोविंदाचा स्टारडम आता संपलं आहे. अशात गोविंदा याला एक स्वस्त गाडीत बसताना देखील स्पॉट करण्यात आलं. गोविंदा याला अशा अवस्थेत पाहिल्यानंतर चाहते देखील नाराज झाले. आता सर्व चर्चांवर गोविंदाचे मॅनेजर शशी सिन्हा यांनी स्पष्टीकरण दिलं आहे. शिवाय गोविंदा याच्या कामाबद्दल देखील सांगितलं आहे.

शशी सिन्हा म्हणाले, ‘प्रचंड दुःख होतंय… देवाच्या कृपेने गोविंदा यांच्या आयुष्यात लवकरच सर्वकाही उत्तम झालं पाहिजे… मी प्रार्थना करतो की, त्यांच्या आयुष्यात चांगले दिवस लवकरच येवो… ते काम करतील, नवीन सुरुवात करतील… लवकरच ते त्यांच्या कामाची नव्याने सुरुवात करणार आहेत. त्यांची प्लानिंग सुरु आहे. स्वतःचं होम – प्रॉडक्शन देखील सुरु करत आहेत…’

‘एक एन्ट्री बाकी आहे आणि पुढे 8 – 10 वर्ष काम करतील.. त्यानंतर व्यक्तीची चांगली वेळ येते… वय होतं… आणि गोविंदा यांनी असे कोणते 2 – 4 विवाह केले आहेत… ज्यामुळे एवढ्या चर्चांना उधाण आलं आहे. रोमान्सबाबत कोणाबद्दल चर्चा होत नाहीत? सर्वांबद्दल कोणत्या न कोणत्या चर्चा रंगलेल्या असतात. खासगी कारण असल्यामुळे र्चचा मोठ्या प्रमाणात रंगल्या आहेत. पण एक वेळ अशी येईल जेव्हा गोविंदा स्वतः सर्वकाही सांगतील.’