शाळेत क्लास सुरु असताना या अभिनेत्रीला अश्लील साइटवर दिसले स्वत:चे फोटो, घाबरली अभिनेत्री, म्हणाले- खूप त्रास…

Bollywood Actress : बॉलिवूड अभिनेत्री जाह्नवी कपूर सध्या तिच्या आगामी चित्रपट ‘पेड्डी’ मुळे चर्चेत आहे. या चित्रपटात ती साऊथ सुपरस्टार राम चरणसोबत स्क्रीन शेअर करणार आहे. दरम्यान, यावेळी जाह्नवीने तिच्या वैयक्तिक आयुष्यातील एक धक्कादायक अनुभव उघड केला आहे.

जाह्नवी कपूरने नुकत्याच राज शमनी यांच्यासोबत साधलेल्या संवादात सांगितले की, ती केवळ 15 वर्षांची असताना तिला एका अश्लील वेबसाइटवर स्वतःचा मॉर्फ केलेला फोटो पाहायला मिळाला होता.

ती म्हणाली, ‘मला हे डीपफेक होतं की काही वेगळं, हे समजलं नाही. पण एका पॉर्न साइटवर माझा फोटो होता. शाळेत आयटी क्लासदरम्यान काही मुलं अशा साइट्स उघडत असत आणि तिथे माझे फोटो दिसत होते. तो अनुभव माझ्यासाठी खूप विचित्र आणि त्रासदायक होता.’

‘ही पब्लिक फिगर असण्याची किंमत आहे का?’

जाह्नवीने सांगितले की, सुरुवातीला तिला वाटलं की कदाचित पब्लिक फिगर असल्याची ही किंमत असावी. पण आजही तिला या गोष्टीबद्दल अस्वस्थता वाटते. सोशल मीडियावर नैतिकता उरलेली नाही. माझ्या अनेक फोटोंना AI च्या मदतीने तयार केलं जातं. मी कधी असे कपडे घातले नाहीत किंवा असे फोटो काढले नाहीत. तरी ते माझ्या नावावर फिरत असतात.

या फेक फोटोंचा परिणाम तिच्या प्रोफेशनल आयुष्यावरही होत असल्याचे जाह्नवीने स्पष्ट केले. जर मी एखाद्या दिग्दर्शकाला सांगितलं की मला एखादा खास पोशाख घालायचा नाही तर ते माझे फेक फोटो दाखवून म्हणू शकतात की ‘तू आधी असं केलं आहेस’ असे ती म्हणाली.

तिने हेही मान्य केले की या विषयावर उघडपणे बोलण्यासाठी तिच्याकडे अजून पुरेशी ताकद नाही. आवाज उठवला तर त्याचा उलट परिणाम होण्याची भीतीही असते असे ती म्हणाली.

आगामी चित्रपटाची उत्सुकता

जाह्नवी कपूर अलीकडेच सनी संस्कारी की तुलसी कुमारी या चित्रपटात दिसली होती. आता तिचा पुढील चित्रपट पेड्डी लवकरच प्रेक्षकांच्या भेटीला येणार आहे. या चित्रपटात ती राम चरणसोबत झळकणार असल्यामुळे चाहत्यांमध्ये मोठी उत्सुकता आहे.

जाह्नवी कपूरच्या या खुलाशामुळे सोशल मीडियावरील डीपफेक आणि मॉर्फिंगसारख्या गंभीर समस्यांकडे पुन्हा एकदा लक्ष वेधले गेले आहे. तिचा अनुभव अनेकांसाठी डोळे उघडणारा ठरत आहे.