विद्या बालन दिवसाला किती सिगारेट पिते? ‘स्मोक करायला आवडतं कारण…’ अभिनेत्रीचा मोठा खुलासा

अभिनेत्री विद्या बालन कायम कोणत्या न कोणत्या कारणामुळे चर्चेत असते. गेल्या काही दिवसांपासून अभिनेत्री ‘दो और दो प्यार’ सिनेमामुळे चर्चेत आहे. पण नुकताच झालेल्या एका मुलाखतीत अभिनेत्रीने मोठा खुलासा केला आहे. अभिनेत्री सिगारेटबद्दल मोठं वक्तव्य केलं आहे. सांगायचं झालं तर, विद्या हिने ‘द डर्टी पिक्चर’ सिनेमात दिवंगत अभिनेत्री सिल्क स्मिता यांची भूमिका साकारली होती. भूमिका साकारण्यासाठी विद्या हिने सिनेमात सिगारेट प्यायली होती. पण सिनेमाची शुटींग संपल्यानंतर अभिनेत्री सिगारेट पिण्याची सवय लागली. अभिनेत्रीला सिगारेटचा वास आवडू लागला होता. याबद्दल अभिनेत्री काय म्हणाली जाणून घ्या…

सिगारेटच्या सवयीबद्दल विद्या बालन म्हणाली, ‘मी ‘द डर्टी पिक्चर’ सिनेमाच्या आधी सिगारेट प्यायली होती. सिगारेट कशी प्यायची असते मला माहिती आहे. पण कहीच सिगारेटला हात लावू शकली नाही… तुम्हाला देखील आता म्हणत असाल ही असं का बोलत आहे…’

‘काही भूमिका अशा असतात ज्यामध्ये तुम्ही नकली अभिनय करु शकत नाही. म्हणून मी भूमिकेसाठी सिगारेट प्यायली. सुरुवातीला माझ्या मनात असहजता होती कारण सिगारेट पिणाऱ्या मुलींबद्दल लोकांनी त्यांच्या मनात एक धारणा तयार केली होती. पण आता कोणी पूर्वीसारखं जज करत नाही…’

पुढे विद्या म्हणाली, ‘द डर्टी पिक्चर’ सिनेमामुळे मला सिगारेट पिण्याची सवय लागली होती. मी दिवसाला 2 ते 3 सिगारेट प्यायचे..’ असं देखील अभिनेत्री म्हणाली. सध्या सर्वत्र फक्त विद्या आणि तिच्या सिगारेट पिण्याच्या सवयीची चर्चा रंगली आहे.

विद्या आता देखील सिगारेट पिते का? या प्रश्नाचं उत्तर देत अभिनेत्री म्हणाली, ‘मला नाही वाटत की ही गोष्ट मी कॅमेऱ्यासमोर बोलायला हवी. पण मला सिगारेट प्यायल्याने आनंद मिळतो. जर तुम्ही मला म्हणाले असते सिगारेट प्यायल्याने कोणतं नुकसान होत नाही तर, मी आज सिगारेट पिणारी झाली असती…’

‘मला सिगारेटचा वास प्रचंड आवडतो. कॉलेजमध्ये असताना देखील मला सिगारेटचा वास प्रचंड आवडायचा. मी बस स्टॉपवर जी व्यक्ती सिगारेट पित आहे त्यांच्या बाजूला बसून सिगारेटचा वास घ्यायची..’ असं देखील अभिनेत्री म्हणाली.

विद्या हिच्याबद्दल सांगायचं झालं तर, अभिनेत्री गेल्या अनेक वर्षांपासून बॉलिवूडमध्ये सक्रिय आहे. सोशल मीडियावर देखील अभिनेत्री कायम सक्रिय असते. सोशल मीडियावर विद्याच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी विद्या देखील कायम स्वतःचे फोटो आणि व्हिडीओ सोशल मीडियावर पोस्ट करत असते.