हृतिक रोशन शाहरुख खानच्या ‘पठाण’ चित्रपटात दिसण्याची शक्यता!

मुंबई : शाहरुख खानचा चित्रपट पठाणची चाहते उत्सुकतेने वाट पाहत आहे. चित्रपटाचे दिग्दर्शन सिद्धार्थ आनंद करीत आहेत, ज्यांनी यापूर्वी वॉरसारखे सुपरहिट चित्रपट केले आहेत. पठाण हा चित्रपट एक मोठा मल्टीस्टारर चित्रपट मानला जात आहे. या चित्रपटात शाहरुख खानसोबत सलमान खान, दीपिका पादुकोण आणि जॉन अब्राहमही दिसणार आहेत. आता या चित्रपटाशी संबंधित आणखी एक मोठी बातमी समोर येत आहे.(Hrithik Roshan likely to appear in Shahrukh Khan’s Pathan)

बॉलिवूड हंगामाच्या माहितीनुसार हृतिक रोशन देखील या चित्रपटात दिसू शकतो. असे सांगितले जात आहे की, चित्रपटात हृतिकलाही कास्ट केल्याची चर्चा आहे. या वृत्तानुसार, सिद्धार्थने हृतिकबरोबर ‘वॉर’ चित्रपटात काम केले आहे आणि त्याच वेळी त्याने ‘पठाण’ मध्ये कबीरच्या भूमिका करण्याविषयी हृतिक अॅफरही दिली असल्याचे बोलले जात आहे. अशा परिस्थितीत जर सर्व काही ठीक झाले तर हृतिकही या चित्रपटात दिसू शकतो.

या अगोदर बातमी अशी होती की, अभिनेत्री डिंपल कपाडियासुद्धा या चित्रपटात दिसणार आहे. खरं तर, हॉलीवूड चित्रपट टेनेटमध्ये डिंपल कपाडियाची जबरदस्त कामगिरी पाहून तिला आता बॉलिवूडमधूनही बरीच प्रोजेक्ट्स येत आहेत. सिद्धार्थ आनंदने डिंपल कपाडियाला पठाण या चित्रपटात काम करण्याची अॅफर दिल्याची ही सर्वत्र चर्चा आहे. डिंपलची नेमकी कोणती भूमिका चित्रपटात असणार आहे यांची माहिती देखील पुढे आली आहे. डिंपल पठाण चित्रपटात एका रॉ अधिकाऱ्याच्या भूमिकेत असणार आहे. आणि डिंपलाही ही भूमिका आवडली आहे. असे सांगितले जात आहे की, डिंपल कपाडियाला स्क्रिप्ट आवडली आहे.

हृतिक रोशन आणि टायगर श्रॉफ यांची मुख्य भूमिका असलेल्या ‘वॉर’ चित्रपटाने शानदार कमाई केली होती. या चित्रपटाने चार दिवसांत 123 कोटींची कमाई केली होती. त्यासोबतच ‘वॉर’ने बॉक्स ऑफिसवर सहा नवे विक्रम रचले आहेत.

दोन ऑक्टोबरच्या मुहूर्तावर प्रदर्शित झालेल्या ‘वॉर’ने पहिल्याच दिवशी तब्बल 51.60 कोटी रुपयांची कमाई केली होती. सार्वजनिक सुट्टी असल्यामुळे बुधवारी ‘वॉर’ने तूफान गल्ला जमवला होता.