iPhone 18 Pro Max ची बॉलिवूडकरांना भुरळ… रितेश देशमुख ते विक्की कौशल; ‘या’ सेलिब्रेटिंकडून खरेदी

iphone 18 Pro max

भारतात आजपासून iPhone 18 Pro चा सेल सुरू झाला आहे . त्यामुळे अॅपल स्टोरच्या बाहेर मोठ्या प्रमाणात लांबच्या लांब रांगा पाहायला मिळत आहेत. काही ग्राहक रात्रभर उभे होते तर काहीनी आयफोनसाठी कित्येक किमी प्रवास केल्याचे पाहायला मिळाले. याच iPhone ची भुरळ सामान्यवर्गापासून अगदी बॉलिवूड सेलिब्रेटिंनाही पडली आहे.

बॉलिवू़ड सेलिब्रेटिंनी देखील अगदी पहिल्याच दिवशी iPhone 18 Pro खरेदी करण्यासाठी उत्साह दाखवला आहे. आपल्या नव्या आयफोनसोबत सेलेब्रेटिंनी फोटो देखील शेअर केले आहेत. त्यावर चाहत्यांच्या कमेंट्सचा वर्षाव पाहायला मिळत आहे.

रितेश देशमुख

मराठी आणि हिंदी अभिनेता रितेश देशमुख याने आयफोनसोबत नुकताच एक फोटो शेअर केला आहे. त्याचा हातात मस्त चमकणारा निळ्या रंगाचा iPhone 18 Pro Max दिसत आहे. याचसोबत मेरा वाला ब्लू असे कॅप्शनही त्याने या पोस्टला दिले आहे.

जिनिलिया देशमुख

रितेश देशमुख याची पत्नी आणि अभिनेत्री जिनिलिया देशमुख हिने सुद्धा आयफोन खरेदी केल्याचे दिसत आहे. रितेशने निळा रंगाचा iPhone 18 Pro Max खरेदी केलाय तर जिनिलियाने तिचा आवडता बर्गंडी रंगाचा iPhone 18 Pro Max खरेदी केला आहे.

विक्की कौशल

iPhone 18 Pro Max ची विक्री सुरू होताच अभिनेता विक्की कौशल iPhone खरेदी करण्यासाठी स्वत: अॅपल स्टोरमध्ये दिसला. खरेदी केल्यानंतर विक्किने आपल्या आयफोनने पॅपाराझींसोबत सेल्फी देखील काढला.

नेहा धुपिया

नेहा धुपियाने सुद्धा iPhone 18 Pro Max बर्गंडी रंगाचा आयफोन खरेदी केला आहे. इंस्टाग्रामवर फोटो शेअर करत हात मे और साथ मे असे हटके कॅप्शनही दिले आहे.

दिशा पाटनी

अभिनेत्री दिशा पाटनी हिने सिल्व्हर रंगाचा iPhone 18 Pro Max खरेदी केला आहे. त्याचे फोटो तिने आपल्या इंस्टाग्राम स्टोरीवर शेअर केले आहेत.