Khiladi Trailer : रवी तेजाच्या ‘खिलाडी’ चित्रपटाचा ट्रेलर रिलीज, अॅक्शन आणि कॉमेडीचा जोरदार तडका!
बऱ्याच दिवसांपासून प्रतिक्षेत असलेला रवी तेजाचा बहुचर्चित चित्रपट खिलाडीचे (Khiladi) ट्रेलर (Trailer) नुकतेच रिलीज झाले आहे. विशेष म्हणजे प्रेक्षकांना या चित्रपटामध्ये (Movie) भरपूर अॅक्शन आणि कॉमेडीची मेजवानीच मिळणार आहे.
मुंबई : बऱ्याच दिवसांपासून प्रतिक्षेत असलेला रवी तेजाचा (Ravi Teja) बहुचर्चित चित्रपट खिलाडीचे (Khiladi) ट्रेलर (Trailer) नुकतेच रिलीज झाले आहे. विशेष म्हणजे प्रेक्षकांना या चित्रपटामध्ये भरपूर अॅक्शन आणि कॉमेडीची मेजवानीच मिळणार आहे. या ट्रेलरमध्ये कलाकार धमाकेदार अॅक्शन करताना दिसत आहेत. अॅक्शनसोबतच यात कॉमेडी आणि रोमान्सही बघायला मिळणार आहे. विशेष म्हणजे या चित्रपटामध्ये रवी त्याच्या जुन्या स्टाईलमध्ये दिसत आहे.
अॅक्शन, कॉमेडी आणि रोमान्स
या चित्रपटाच्या ट्रेलरमध्ये रवी तेजाचे जबरदस्त कॉमिक टायमिंग पाहायला मिळत आहे. यासोबतच त्याची रोमँटिक स्टाइलही पाहायला मिळाली. यात तो डिंपल हयाती आणि मीनाक्षी चौधरी या दोन अभिनेत्रींवर रोमान्स करताना दिसत आहे. त्याचे अॅक्शन सीन्सही खूप छान दाखवले आहेत. स्टोरी मनी माइंडेड व्यक्तीची आहे. यामध्ये कन्नड चित्रपट अभिनेता अर्जुन सर्जा देखील महत्त्वाच्या भूमिकेत दिसला असून अनसूया भारद्वाज लोकांना हसवताना दिसणार आहे.
इथे पाहा चित्रपटाचा ट्रेलर
रवीने या चित्रपटाद्वारे हिंदीमध्ये एन्ट्री केली आहे. रवीचा ‘खिलाडी’ हा चित्रपटही हिंदीत प्रदर्शित होणार आहे. रवीचा हा चित्रपट हिंदी भाषेबरोबरच तेलुगु भाषेतही एकाच वेळी प्रेक्षकांच्या भेटीला येणार आहे. आता साऊथचे बरेचसे चित्रपट हिंदीतही प्रदर्शित होऊ लागले आहेत, याचे सर्वात मोठे कारण म्हणजे हिंदी प्रेक्षकांचा साउथच्या चित्रपटांकडे वाढलेला रस आहे.
या तारखेला चित्रपट सिनेमागृहात प्रदर्शित होणार
या चित्रपटाचे दिग्दर्शन रमेश वर्मा यांनी केले असून देवी श्री प्रसाद यांचे संगीत आहे. हा चित्रपट 11 फेब्रुवारी 2022 रोजी सिनेमागृहात प्रदर्शित होणार आहे. रवी तेजाचा मागील चित्रपट ‘क्रॅक’ 9 जानेवारी 2021 रोजी प्रदर्शित झाला होता. ज्याला प्रेक्षकांचा उदंड प्रतिसाद मिळाला. तो चित्रपट देखील हिट ठरला. रवीच्या क्रॅक चित्रपटानेही बॉक्स ऑफिसवर जबरदस्त कमाई केली होती.
संबंधित बातम्या :
