‘राजकुमार राव’ने बाॅलिवूड चित्रपट फ्लाॅप जाण्याचे सांगितले मोठे कारण, वाचा काय म्हटला अभिनेता

मुंबई : गेल्या काही दिवसांपासून मोनिका ओ माय डार्लिंग या चित्रपटामुळे अभिनेता राजकुमार राव प्रचंड चर्चेत आहे. या चित्रपटात राजकुमार राव याच्यासोबत राधिका आपटे देखील महत्वाच्या भूमिकेत आहे. एका मुलाखती दरम्यान बोलताना राजकुमार राव म्हणाला होता की, मी जेंव्हा बाॅलिवूडमध्ये पदार्पण करण्याचा प्रयत्न करत होतो. त्यावेळी अनेकांनी माझ्या शरीरावर, उंचीवर आणि दिसण्यावर टीका केली होती. त्यांचे म्हणणे होते की, मी हिरोचा रोल करण्यासाठी बरोबर नाहीये.

नुकताच दिलेल्या एका मुलाखतीमुळे राजकुमार राव परत एकदा प्रचंड चर्चेत आलाय. इतकेच नाही तर राजकुमार रावने जरा स्पष्टच बोलत बाॅलिवूडचे चित्रपट बाॅक्स आॅफिसवर का फ्लाॅप जात आहेत, याचेही सरळ सरळ कारण सांगितले आहे. गेल्या काही दिवसांपासून राजकुमार रावने अनेक हीट चित्रपटांमध्ये काम केले आहे. सोशल मीडियावरही सातत्याने राजकुमार रावची फॅन फाॅलोइंग वाढत आहे.

राजकुमार रावने बाॅलिवूड चित्रपट फ्लाॅप जात असल्याचे कारण सांगताना म्हटले की, गेल्या 1 वर्षांपासून आपण काही चांगले चित्रपटच दिले नाहीत. मग ते फ्लाॅप जाणार नाहीत तर काय होणार? मला वाटते की, अजून आपण आपले बेस्ट द्यायला हवे. चित्रपट बाॅक्स आॅफिसवर चालत नाहीत हे म्हणणे चुकीचे आहे. जर एखादा चित्रपट चांगला नसेल त्याच्या स्टोरीमध्ये काही खास नसेल तर अशा चित्रपटांमध्ये मी कधीच काम करणार नसल्याचे देखील राजकुमार रावने म्हटले आहे.