Ranveer Singh House : ‘मन्नत’ जवळ राहणार ‘मस्तानी’, किंग खानचा शेजारी होणार रणवीर, बंगल्याची किंमत जाणून तुम्हीही अवाक व्हाल!
Ranveer Singh Buys New House : रणवीर सिंगने शाहरुख खानच्या घर 'मन्नत'जवळ एक अतिशय भव्य अपार्टमेंट खरेदी केलं आहे. याची किंमत वाचून तुम्हीही आश्चर्यचकीत व्हाल. अर्थातच दिग्गज अभिनेता बंगला घेतोय म्हटल्यावर त्याची किंमत अधिक असणार.
मुंबई : अभिनेता रणवीर सिंग (Ranveer Singh) नवीन घर (New House) विकत घेतोय. हे वाचून तुम्ही म्हणाल यात काय नवल आहे. बॉलिवूडमधील तारे-तारका चालता फिरता कोणताही बंगला सहज विकत घेऊ शकतात. पण, बंगला कुठे घेतायत यालाही मोठं महत्व आहे. बॉलिवूड सेलिब्रिटी त्यांच्या कमाईचा मोठा भाग रिअल इस्टेट गुंतवणुकीत खर्च करतात. प्रत्येकाचे घर एकापेक्षा एक आलिशान असले तरी शाहरुख खानच्या ‘मन्नत’ (Mannat) बंगल्याचा विचार केला तर सगळेच बंगले किंग खानच्या मन्नत बंगल्यासमोर फिके दिसतात. आता अभिनेता रणवीर सिंग हा शाहरुख खानचा शेजारी बनला आहे. रणवीर सिंगने शाहरुख खानच्या घर ‘मन्नत’जवळ एक अतिशय भव्य अपार्टमेंट खरेदी केलं आहे. याची किंमत वाचून तुम्हीही आश्चर्यचकीत व्हाल. अर्थातच दिग्गज अभिनेता बंगला घेतोय म्हटल्यावर त्याची किंमत अधिक असणार. पण, रणवीर सिंग याच्या नव्या बंगल्याची किंमत जरा जास्तच मोठी आहे. त्याची चर्चा बॉलिवूडसह सर्वत्र जोरात आहे.
रणवीरच्या अपार्टमेंटची किंमत किती?
रणवीर सिंग आणि दीपिका पदुकोण यांनी मुंबईतील वांद्रे येथे असलेल्या ‘सागर रेशम’ या हिरव्यागार निवासी टॉवरमध्ये एक आलिशान अपार्टमेंट खरेदी केले आहे. मीडिया रिपोर्ट्सनुसार, सी फेसिंग हाऊसची किंमत 119 कोटी रुपये आहे. होय, रणवीर सिंगने शाहरुख खानचा शेजारी बनण्यासाठी एवढी मोठी रक्कम खर्च केली आहे. रणवीर सिंगच्या या घराचा समावेश देशातील सर्वात महागड्या घरांमध्ये होतो.
अपार्टमेंटमधून समुद्राचे सुंदर दृश्य
रणवीर सिंगच्या या अपार्टमेंटमधून समुद्राचे सुंदर दृश्य दिसते. विशेष बाब म्हणजे हा टॉवर सलमान खानच्या गॅलेक्सी अपार्टमेंट आणि शाहरुख खानचा मन्नत बंगला यांच्यामध्ये आहे. टॉवरच्या 16व्या, 17व्या, 18व्या आणि 19व्या मजल्यावर त्याचा अपार्टमेंट असल्याची माहिती आहे. त्याचे एकूण चटईक्षेत्र 11 हजार 266 चौरस फूट आणि विशेष कमाल मर्यादा 1 हजार 300 चौरस फूट आहे.
रणवीरची प्रॉपर्टी खूप महाग
रणवीरच्या मालमत्तेची प्रति चौरस फूट किंमत 1 लाख रुपये असल्याचं सांगितलं जात आहे. रणवीरनं ‘ओह फाइव्ह ओह मीडिया वर्क्स एलएलपी’ या फर्मद्वारे घर विकत घेतले आहे. यामध्ये रणवीर सिंग आणि त्याचे वडील आहेत. विशेष म्हणजे अभिनेत्यानं महसूल विभागाला 7.13 कोटी रुपयांचे मुद्रांक शुल्क भरले आहे.
मीडिया रिपोर्ट्सनुसार रणवीर सिंगला या डील अंतर्गत 19 पार्किंग एरिया मिळाले आहेत. दरम्यान, वर्क फ्रंटवर, रणवीर शेवटी ‘जयेशभाई जोरदार’ मध्ये दिसला होता. हा रणवीर पुढे रोहित शेट्टीच्या ‘सर्कस’ आणि करण जोहरच्या ‘रॉकी और रानी की प्रेम कहानी’मध्ये दिसणार आहे. यात त्याच्यासोबत आलिया भट्ट मुख्य भूमिकेत आहे. दरम्यान, सध्या रणवीर सिंग शाहरुख खानची शेजार होणार असल्याची आणि त्याच्या बंगल्याच्या किंमतीची सर्वाधिक चर्चा आहे.