गोळीबारानंतर टायगर श्रॉफ सोशल मीडियावर पुन्हा अ‍ॅक्टिव्ह, पहिल्याच पोस्टला… काय म्हटलं त्यात?
अभिनेता टायगर श्रॉफवरील गोळीबारानंतर त्याने सोशल मीडियावर पहिली अ‍ॅक्टिव्हिटी केली आहे, एका इन्स्टाग्राम पोस्टला लाइक करून. जुहूत झालेल्या या हल्ल्याची बिश्नोई गँगने जबाबदारी घेतली होती. मात्र, कोटा पोलिसांनी गोळीबारातील तिन्ही आरोपींना जयपूर-मुंबई एक्स्प्रेसमधून अटक केली.
अभिनेता टायगर श्रॉफवर 18 ऑक्टोबर रोजी जुहू परिसरात गोळीबार करण्यात आला. तीन अज्ञात हल्लेखोर मोटारसायकलवरून आले होते. त्यांनी टायगरच्या कारच्या दिशेने गोळ्या झाडल्या. त्यात टायगर थोडक्यात बचावला. फुटबॉल खेळून मैदानातून बाहेर पडत असताना टायगरवर हा हल्ला झाला. या हल्ल्यात टायगरचा ड्रायव्हर आणि एक स्थानिक व्यक्ती जखमी झाला आहे. दोघांवरही उपचार सुरू आहेत. त्यांची प्रकृती धोक्याबाहेर असल्याचं सांगितलं जात आहे. पण या हल्ल्यामुळे बॉलिवूड हादरून गेलं आहे.
या घटनेला आज तीन दिवस उलटले आहेत. त्यावर टायगरने अजूनही प्रतिक्रिया दिलेली नाही. या काळात अनेक राजकीय नेत्यांनी टायगरची भेट घेतली. त्यांच्याशी टायगरने संवादही साधला. पण मीडियात कोणतीही प्रतिक्रिया दिलेली नाही. त्यामुळे टायगर सोशल मीडियातून व्यक्त होतोय का? याकडे सर्वांचं लक्ष लागलं होतं. 20 ऑक्टोबर रोजी म्हणजे काल त्याने एका इन्स्टाग्राम पोस्टला लाइक केलंय. गोळीबार झाल्यानंतर सोशल मीडियावरील त्याची ही पहिली अ‍ॅक्टिव्हिटी आहे.
Tiger Shroff
टायगरकडून पोस्ट लाइक
या पोस्टमध्ये टायगरचा पहिला सिनेमा ‘हीरोपंती’चं ‘रात भर…’ हे गाणं वाजत आहे. या पोस्टमधील व्हिडीओत सिनेमातील एक सीन आहे. त्यात टायगर बाइक चालवतोय आणि त्याच्या मागे कृति सेनन बसलेली दिसत आहे. त्यावर एक कमेंट लिहिलेली आहे… भाई, रात्रभरासाठी काय, आयुष्यभरासाठी गायब झालो असतो… या पोस्टला पहिल्यांदाच टायगरने लाइक केलं आहे. त्यामुळे त्याच्याकडे सर्वांचं लक्ष वेधलं गेलं आहे. गोळीबारानंतर ही पोस्ट लाइक करण्यात आली आहे. त्यामुळे टायगरने ही पोस्ट जाणूनबुजून लाइक केलीय की चुकून लाइक झालीय हे अद्याप कळू शकलेलं नाही.
View this post on Instagram
बिश्नोई गँगकडून जबाबदारी
दरम्यान, टायगरवर गोळीबार झाल्यानंतर काही वेळातच बिश्नोई गँगने या हल्ल्याची जबाबदारी घेतली आहे. बिश्नोई गँगचे दोन कथित सदस्य अनिल पंडित आणि हरमन संधू या दोघांनी जबाबदारी घेतली आहे. अनिल पंडितने त्याबाबतची पोस्टही केली आहे. दरम्यान, कोटा पोलिसांनी या तिन्ही आरोपींना अटक केली आहे. गोळीबार केल्यानंतर जयपूर-मुंबई एक्सप्रेसमधून हे आरोपी दिल्लीला पळून जाणार होते. दिल्लीहून थेट ते नेपाळला जाणार होते. आपली ओळख लपवण्यासाठी एकाने मुंडनही केलं होतं. या तिघांनी रेल्वेतच कपडे बदलले होते. जनरलच्या डब्यातून जात होते. त्यातील एकाला सकाळी भूख लागल्याने तो कोटा स्टेशनवर भुजिया खायला उतरला होता. त्यावेळी एका जवानाने आरोपीला ओळखले आणि ट्रेनमध्ये चढून त्याच्यासह त्याच्या साथीदारांना अटक केली. या तिन्ही आरोपींना मुंबईत आणण्यात आलं असून त्यांची कसून चौकशी केली जात आहे.
