मृणाल ठाकुर Vs ऐश्वर्या रजनीकांत: धनुषची कथित गर्लफ्रेंड की पूर्व पत्नी कोणाकडे पाण्यासारखा पैसा? जाणून व्हाल अवाक्

अभिनेत्री मृणाल ठाकुर हिला आज कोणत्याच ओळखीची गरज नाही. अभिनेत्रीने छोट्या पडद्यापासून अभिनयास सुरुवात केली, आज अभिनेत्री बॉलिवूडच्या प्रसिद्ध आणि लोकप्रिय अभिनेत्रींच्या यादीत सामिल आहे. मृणाल तिच्या प्रोफेशनल आयुष्यामुळे तर चर्चेत असतेच पण गेल्या काही दिवसांपासून मृणाल खासगी आयुष्यामुळे चर्चेत आली आहे. मृणाल ठाकुर हिच्या नावाची चर्चा सुपरस्टार धनुष याच्यासोबत रंगली आहे. अनेक ठिकाणी दोघांना एकत्र स्पॉट देखील करण्यात आलं. एवढंच नाही तर, मृणाल हिच्या बर्थडे पार्टीला देखील धनुष याने हजेरी लावली होती. दोघांचा एक व्हिडीओ देखील सोशल मीडियावर तुफान व्हायरल झालेला. व्हिडीओ मृणाल आणि धनुष एकमेकांचा हात पकडताना दिसून आले.

सध्या धनुष आणि मृणाल यांच्या नात्याच्या चर्चांनी जोर धरला आहे. पण अभिनेत्याची पूर्व पत्नी आणि मुलांबद्दल देखील सर्वांना माहिती आहे. धनुष याने 2004 मध्ये अभिनेते रजनीकांत यांची लेक ऐश्वर्या रजनीकांत हिच्यासोबत लग्न केलं. दोघांना दोन मुले देखील आहेत. पण दोघांचं लग्न फार काळ टिकलं नाही. अखेर दोघांनी देखील विभक्त होण्याचा निर्णय घेतला. आता धनुष याची कथित गर्लफ्रेंड आणि पूर्व पत्नी यांच्या चर्चांनी देखील जोर धरला आहे. तर जाणून घ्या मृणाल की ऐश्वर्या रजनीकांत दोघींपैकी कोण अधिक श्रीमंत आहे.

मृणाल ठाकुर हिची नेटवर्थ किती?

रिपोर्टनुसार, मृणाल ठाकुर हिची नेटवर्थ 33 कोटी रुपये आहे. अभिनेत्री एका सिनेमासाठी 2 कोटींचं मानध घेते… मृणाल हिचं महिन्याचं उत्पन्न जवळपास 60 लाख रुपये आहे. मृणाल ओटीटी प्रोजेक्ट्स, ब्रँड एन्डोर्समेंट आणि इव्हेंटच्या माध्यमातून पाण्यासारखा पैसा कमावते.

मृणाल हिच्या गॅरेजमध्ये देखील आलिशान गाड्या आहेत. होंडा अकॉर्ड, फॉर्च्यूनर, मर्सिडीज बेंज S-450 यांसारख्या आलिशान आणि महागड्या गाड्यांची मृणाल मालकीण आहे. मृणाल हिच्या सिनेमांबद्दल सांगायचं झालं तर, अभिनेत्रीने बाटला हाउस, तूफान, धमाका, जर्सी, पीपा, लस्ट स्टोरीज 2, सीता रामम, फॅमिली स्टार यांसारख्या सिनेमांत महत्त्वाची भूमिका बजावली आहे.

ऐश्वर्या रजनीकांत हिची संपत्ती किती?

धनुष याची पूर्व पत्नी ऐश्वर्या रजनीकांत हिच्याबद्दल सांगायचं झालं तर, ती सुपरस्टार रजनीकांत यांची लेक आहे. रिपोर्टनुसार, ऐश्वर्या हिची संपत्ती 40 कोटी इतकी आहे. तिच्याकडे 2 कोटींटी मर्सिडीज बेंझ कार आहे.. शिवाय चेन्नई येथे ती आलिशान घरात राहते.