दाऊद इब्राहिमच्या घराचा पत्ता अखेर सापडला, ‘धुरंधर 2’ मधील ‘व्हाइट हाउस 13, क्लिफ्टन’चं मोठं रहस्य

अभिनेता रणवीर सिंग स्टारर आणि दिग्दर्शक आदित्य धर दिग्दर्शित ‘धुरंधर 2’ सिनेमा बॉक्स ऑफिसवर बक्कळ कमाई करताना दिसत आहे. सिनेमात आदित्य याने दाऊद इब्राहिम याचं कराची येथील स्थान एका वेगळ्या रुपात दाखवलं आहे, ज्याला ‘व्हाइट हाउस 13, क्लिफ्टन‘ असं नाव देण्यात आलं आहे… क्लिफ्टनबद्दल सांगायचं झालं तर, क्लिफ्टन पाकिस्तानातील एक श्रीमंत भाग आहे. जेथे महागडी घरं, परदेशी दूतावास आणि आलिशान ब्रँडची दुकाने आहेत. हे ठिकाण एका सौदी मशिदीजवळ आणि क्लिफ्टन बीचपासून थोड्याच अंतरावर आहे. ‘धुरंधर 2’ सिनेमात या मोठ्या पांढऱ्या महालाला ‘व्हाइट हाऊस’ म्हटलं आहे.

दाऊद इब्राहिम याच्या घरात काय दाखवण्यात आलं आहे?

सिनेमात महालाच्या आतील आणि बाहेरील अनेक उल्लेखनीय वैशिष्ट्ये दाखवण्यात आली आहेत:

– महालाच्या मोठ्या गेटवर मोठ – मोठ्या डॉलरचे निशाण दाखवण्यात आली आहेत.

– स्तंभांजवळ सोन्याच्या घारीच्या मूर्ती ठेवल्या आहेत.

– महालाच्या आतमध्ये, झगमगते झुंबर, रुंद जिने आणि मोठे जेवणाचे टेबल आहेत, जिथे पार्ट्यांचं चित्रण केलेलं आहे.

– भिंतींवर सिंहांची चित्रं आहेत, ज्यांना सामर्थ्याचं प्रतीक मानलं जातं.

– मास्टर बेडरूममध्ये एक मोठा पलंग, सुंदर पडदे आणि दाऊदचा एक जुना फोटो आहे.

– दाऊदचं वय आणि त्याची प्रकृती लक्षात घेत सिनेमात एक अधुनिक ICU देखील दाखवण्यात आला आहे.

सिनेमात दाखल आलेल्या या महालासारख्या घराला दाऊद याचं गुप्त पण आलिशान ठिकाण सांगण्यात आलं आहे. ‘धुरंधर 2’ सिनेमात दाऊद याला बडे साबह म्हणून दाखवण्यात आलं आहे. येथे सुरक्षा व्यवस्था खूप कडक दाखवण्यात आली असून मेटल डिटेक्टरने तपासणी केली जाते, शस्त्रे जमा केली जातात आणि परदेशी कर्मचारी काम करतात.

दाऊद इब्राहिम याचा खरा पत्ता

रिपोर्टनुसार, दाऊद इब्राहिम याला पत्ता वेगळा सांगितला जातो. जानेवारी 2024 मध्ये ‘संडे गार्जियन’च्या रिपोर्टनुसार, दाऊद इब्राहिम आणि त्याचा भाऊ अनीस कराची येथील कय्यूमाबाद मधील दोन व्हिलामध्ये राहतात. हाउस नंबर 20 आणि 21, स्ट्रीट नंबर 30, फेज V, सेक्टर B… असं दाऊद याचा पत्ता सांगण्यात येत आहे.

हे ठिकाण चिनी वाणिज्य दूतावासापासून अंदाजे 700 मीटर अंतरावर आहे. मिळालेल्या माहितीनुसार, दाऊद क्वचितच बाहेर पडतो, विश्वासू व्यक्तींच्या संरक्षणाखाली राहतो आणि कुटुंबातील सदस्यांनाही केवळ बोलावून भेटतो. त्याची प्रकृती खालावलेली असून त्याच्यावर उपचार सुरु आहेत. असेही म्हटलं जातं की, डीएचए फेज 5 मध्ये देखील त्याची एक मालमत्ता आहे.

1993 च्या मुंबई बॉम्बस्फोटानंतर दाऊद इब्राहिम भारतातून पाकिस्तानात पळून गेला. पण, क्लिफ्टनमधील या ठिकाणाची निवड करून, दिग्दर्शकाने दाऊदची आलिशान जीवनशैली सर्वांसमोर आणण्याचा प्रयत्न केला. सिनेमात त्याला एक 70 वर्षीय दहशतवादी म्हणून दाखवले आहे, जो आजारी असूनही भारताच्या विरोधात कट रचत आहे.