आयेशा खान हिच्यावर बलात्काराचा प्रयत्न… स्पॉटबॉयचे नको ते मेसेज आणि… अभिनेत्रीकडून धक्कादायक खुलासा

अभिनेत्री आयेश खान हिने तिच्या खासगी आयुष्याबद्दल थक्क करणारा खुलासा केला आहे. सेलिब्रिटी असल्यामुळे कशा प्रकारे रोजच्या अव्हानांचा सामना करावा लागतो याबद्दल अभिनेत्रीने सांगितलं आहे. अभिनेत्रींना सोशल मीडियाच्या माध्यमातून धमक्या तर येतातच पण लैंगिक अत्याचारासारख्या घटना देखील त्यांच्यासोबत घडत असतात. आयेशा हिने सांगितल्यानुसार, तिच्यावर एकदा बलात्कार करण्याचा देखील प्रयत्न करण्यात आलेला. शिवाय स्पॉटबॉयने देखील अभिनेत्रीला नको ते मेसेज पाठवले होतं…

नुकताच झालेल्या एका मुलाखतीत अभिनेत्रीने याबद्दल धक्कादायक खुलासा केला आहे. ‘इन्स्टाग्रामवर मला कायम सेक्शुएलाइज केलं जातं.. मी एक साधा टॉप घातला तरी, लोकांना त्रास होतो… मी स्कर्ट घातला तरी लोकांना अडचण असते… मी कोणतीही पोस्ट करण्याआधी विचार करते… फक्त यात भीतीने का मला कोणी सेक्शुएलाइज करणार नाही… परिस्थिती इतकी वाईट आहे…’

पुढे आयेशा खान हिला विचारण्यात आलं, कधी ऑनलाईन बलात्काराची धमकी मिळाली आहे का? यावर अभिनेत्री होकार देत म्हणाली, रोज मला बलात्काराच्या धमक्या येत असतात… मी आता देखील तुम्हाला माझ्या फोनमध्ये दाखवू शकते… याबद्दल फक्त प्रश्न विचारले जातात, पण कोणताच मार्ग यावर काढला जात नाही… ही आजची गोष्ट नाही, गेल्या अनेक वर्षांपासून हे चालत आलेलं आहे.’

बलात्काराबद्दल आयेशा म्हणाली, ‘माझ्यावर रेपचा देखील प्रयत्न झाला. मला त्या परिस्थितीला पुन्हा पुन्हा तोंड द्यायचं नाही. असे काही दिवस, क्षण येतात जेव्हा ते मला हादरवून टाकतात. त्या जखमा मी आठवू इच्छित नाही. जर मी आता इतकी प्रसिद्ध किंवा सुरक्षित नसती तर अशी घटना पुन्हा घडू शकली असती.’

एवढंच नाही तर, अभिनेत्रीने शुटिंग दरम्यान घडलेली देखील एक घटना सांगितली. ‘मी एका सिनेमाचं शुटिंग करत होती. तेव्हा माझे वडील देखील माझ्यासोबत होते. मी असंच इन्स्टाग्राम ओपन केलं आणि मला एक मेसेज दिसला… त्यामध्ये व्हाईस नोट्स होते. त्यामुळे मला असं वाटलं की स्पॉट बॉयचे मेसेज असेल…’ घाबरलेल्या अवस्थेत आयेशा हिने वडिलांना सर्वकाही सांगितलं, तेव्हा त्या स्पॉटबॉयच्या विरोधात कारवाई करण्यात आली.

सांगायचं झालं तर, ‘धुरंधर’ सिनेमातील ‘शरारत’ गाण्यात दमदार डान्स केल्यानंतर अभिनेत्रीच्या लोकप्रियत मोठी वाढ झाली. सोशल मीडियावर देखील अभिनेत्री कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.