Tandav | वेब सीरीज ‘तांडव’च्या अडचणीत आणखीन वाढ, आता लखनऊमध्ये गुन्हा दाखल!

सैफ अली खानची (Saif Ali Khan) वेब सीरीज तांडव (Tandav) सुरूवातीपासूनच वादाच्या भोवऱ्यात अडकली आहे.

Tandav | वेब सीरीज 'तांडव'च्या अडचणीत आणखीन वाढ, आता लखनऊमध्ये गुन्हा दाखल!

मुंबई : सैफ अली खानची (Saif Ali Khan) वेब सीरीज तांडव (Tandav) सुरूवातीपासूनच वादाच्या भोवऱ्यात अडकली होती. आता या वेब सीरीजवर हिंदू धर्मियांच्या भावना दुखावल्याचा आरोप करण्यात आला आहे. यापूर्वी भाजप नेते राम कदम यांनी मुंबईत या वेब सीरीजच्या विरोधात तक्रार दाखल केली होती आणि त्यावर बहिष्कार घालण्याची मागणी केली होती आणि आता लखनऊमधील हजरतगंज पोलिस स्टेशनमध्ये निर्मात्यांविरोधात एफआयआर दाखल करण्यात आली आहे. (Filed a case against the web series Tandav in Lucknow)

लखनऊमध्ये हिंदू धर्मियांच्या भावना दुखावल्याचा प्रकरणी या वेब सीरीजचे दिग्दर्शक अली अब्बास जफर, निर्माता हिमांशु कृष्णा मेहरा, लेखक गौरव सोलंकी यांच्यावर एफआयआर दाखल करण्यात आली आहे. याशिवाय माहिती व प्रसारण मंत्रालयही तांडव या वेब सीरिजच्या विरोधात आहे. मंत्रालयाने या वेब सीरीजसंदर्भात स्पष्टीकरण मागण्यासाठी अ‍ॅमेझॉन प्राइमला नोटीस दिली आहे.

तांडव वेब सीरीज ही एक पॉलिटिकल ड्रामा आहे. ही वेब सीरिज काहींच्या चांगलीच पसंतीला उतरत आहे. तर काहींच्या मते या वेब सीरीजद्वारे हिंदू धर्मियांच्या भावना दुखावल्या गेल्या आहेत. मोहम्म जिशान आयुब याच्यावर चित्रित एका दृश्यावरुन हा वाद रंगला आहे. या दृश्यामुळे हिंदू देवदेवतांचा अपमान झाला असल्याचा आरोप करत निर्मात्यांनी लोकांच्या भावना दुखावल्याबद्दल माफी मागावी, अशी मागणी सोशल मीडियातून होत आहे.

त्याचबरोबर या वेब सीरीज विरोधात हॅशटॅग मोहीमही राबवली जात आहे. ही वेब सीरिज अली अब्बास जाफरने दिग्दर्शित केली असून, यात सैफ अली खान, डिंपल कपाडिया, सुनील ग्रोव्हर मुख्य भूमिकेत आहेत.

संबंधित बातम्या :

Dhamaka | कार्तिक आर्यनचा चित्रपट ‘धमाका’ ओटीटीवर प्रदर्शित होणार?

Tandav : राम कदम यांचं पोलीस ठाण्यात ‘तांडव’; वेब सीरिजच्या निर्मात्यांना समन्स पाठवणार

(Filed a case against the web series Tandav in Lucknow)

Read Full Article

Click on your DTH Provider to Add TV9 MARATHI