Honey Singh : माझ्यासाठी खूप कठीण काळ…हनी सिंगवर कोसळला दुःखाचा डोंगर, गायकाच्या जवळच्या व्यक्तीचा रस्ते अपघातात मृत्यू
Honey Singh : हनी सिंगवर दुःखाचा डोंगर कोसळला असून गायकाच्या जवळच्या व्यक्तीचं निधन झालं आहे.
रविवार, १ नोव्हेंबर रोजी पहाटे पंजाबमधील जालंधर येथे एका वाढदिवसाच्या पार्टीतून घरी परतणाऱ्या दोन मित्रांचा रस्ते अपघातात मृत्यू झाला. मृतांपैकी एक गायक यो यो हनी सिंगचा भाचा आणि पंजाबी संगीत कंपनी ‘स्पीड रेकॉर्ड्स’चे मालक दिनेश यांचा मुलगा विदित ओलाक होता. दुसऱ्या मृताची ओळख ‘पॅपी स्वीट्स’च्या मालकाचा मुलगा आरव तलवार अशी झाली आहे. हनी सिंगनं सोशल मीडियावर आपल्या भाच्याच्या मृत्यूवर शोक व्यक्त केला. गायकानं विदितचे वडील दिनेश यांना टॅग करून आपल्या इन्स्टाग्राम स्टोरीवर एक भावनिक पोस्ट शेअर केली.
भाच्याच्या मृत्यूवर हनी सिंगनं व्यक्त केलं दुःख
हनी सिंगनं आपल्या इन्स्टाग्राम स्टोरीवर या बातमीला दुजोरा दिला आणि लिहिलं की, ‘हा माझ्यासाठी खूप कठीण काळ आहे. माझ्या भाच्याला गमावणं दुःखद आहे. भोलेनाथ तुला शांती देवो.’ इतकंच नाही, तर त्यानं आपलं दुःख व्यक्त करण्यासाठी आपला इन्स्टाग्राम प्रोफाइल फोटो देखील काढला आहे.
विदित ओलाक आणि आरव तलवार यांचा मृत्यू कसा झाला
मिळालेल्या माहितीनुसार, पोलीस लाइन्स परिसराजवळील एका उड्डाणपुलावर हा अपघात झाला, जिथं त्यांची भरधाव वेगात असलेली फोक्सवॅगन कार रस्त्यावर उभ्या असलेल्या महानगरपालिकेच्या ट्रॅक्टर-ट्रॉलीला धडकली. जालंधरमध्ये काल रात्री उशिरा झालेल्या या भीषण रस्ते अपघातात दोन तरुणांनी आपले प्राण गमावले. प्रसिद्ध पंजाबी संगीत कंपनी ‘स्पीड रेकॉर्ड्स’चे मालक दिनेश ओलाक यांचा मुलगा विदित ओलाक आणि ‘पप्पी स्वीट्स’च्या मालकाचा मुलगा आरव तलवार यांचा या अपघातात मृत्यू झाला.
हनी सिंगच्या भाच्याच्या मृत्यूवर शोककळा पसरली
या अपघाताच्या बातमीवर पंजाबी संगीत क्षेत्रातही शोक व्यक्त केला जात आहे. प्रसिद्ध बॉलिवूड गायक हनी सिंगनं विदितला आपला भाचा संबोधत त्याच्या मृत्यूवर शोक व्यक्त करणारी एक पोस्ट सोशल मीडियावर शेअर केली आहे. मिळालेल्या माहितीनुसार, हा अपघात पहाटे ३ वाजण्याच्या सुमारास झाला. अपघाताच्या वेळी गाडीत एकूण पाच तरुण होते. धडकेचा परिणाम इतका भीषण होता की, गाडीतील विदित ओलाक आणि आरव तलवार या दोघांचाही जागीच मृत्यू झाला. घटनास्थळी दाखल झालेल्या बारादरी पोलीस ठाण्याच्या पोलिसांनी दोन्ही मृतदेह ताब्यात घेऊन तपास सुरू केला.
विदित ओलाकच्या मृत्यूबाबत पोलिसांचं निवेदन
बारादरी पोलीस ठाण्याचे एसएचओ, साहिल चौधरी यांच्या माहितीनुसार, महानगरपालिकेचे स्वच्छता कर्मचारी उड्डाणपूल स्वच्छ करत होते. कचरा गोळा करण्यासाठी रस्त्यावर एक ट्रॅक्टर-ट्रॉली उभी होती. त्याचवेळी, मागून येणाऱ्या एका कारनं तिला धडक दिली. पोलिसांच्या माहितीनुसार, गाडीतील इतर तीन तरुण आधीच घरी गेले होते. मृत दोघांच्या कुटुंबीयांनी कायदेशीर कारवाई करण्यास नकार दिल्यानंतर पोलिसांनी मृतदेह कुटुंबीयांच्या ताब्यात दिले.
