रुग्णालयाचं बिल भरण्यास सासरच्यांचा स्पष्ट नकार, लेकीचा बेवारस मृतदेह पाहिल्यानंतर अभिनेत्री भरली धडकी

झगमगतं विश्व पाहण्यासाठी फार चांगलं वाटतं. पण सत्य काही वेगळंच असतं. कॅमेऱ्यात सेलिब्रिटींचे फक्त आनंदी चेहरे दिसतात, पण सत्य समोर आल्यानंतर फार मोठा धक्का बसतो. बॉलिवूडच्या एका प्रसिद्ध अभिनेत्रीसोबत देखील असंच काही घडलं आहे. अभिनेत्रीच्या लेकीचे रुग्णालयात उपचार सुरु होते, पण सासरच्यांना बिल देखील भरलं नाही. एवढंच नाही तर, मृत्यूनंतर अभिनेत्रीत्या लेकाचा मृतदेह बेवारस अवस्थेत शवगृहात पडला होता. ज्या अभिनेत्रीच्या लेकीने असंख्य यातना सोसल्या ती अभिनेत्री दुसरी तिसरी कोणी नाही तर, अभिनेत्री मौसमी चटर्जी आहे. मौसमी चटर्जी यांच्या लेकीचं निधन 2019 मध्ये झालं.

मौसमी चटर्जी यांची लेक पायल हिला डायबीटीज होता… धक्कादायक गोष्ट म्हणजे मृत्यूपूर्वी पायल दोन वर्ष कोमात होती. एका मुलाखतीत मौसमी चटर्जी यांनी लेकीच्या निधनाचं दुःख व्यक्त केलं. ‘पायल हिच्या वडिलांनी अद्यापही लेकीचं निधन झालं आहे हे मान्य केलेलं नाही.’ जेव्हा जावई डिक्की सिन्हा याने मौसमी चटर्जी यांच्यावर गंभीर आरोप लावले. डिक्की सन्हा म्हणाला, मौसमी चटर्जी यांनी लेकीच्या निधनानंतर तिचं तोंड देखील पाहिलं नाही आणि अंत्यसंस्काराला देखील आले नाहीत. तेव्हा हे प्रकरण कोर्टात पोहोचलं.

मौसमी चटर्जी म्हणालेल्या, ‘पायलच्या सासरच्या मंडळींनी कधी आम्हाला आमच्या लेकीला भेटू देखील दिलं नाही. याचा माझ्या लहान मुलीवर वाईट परिणाम झाला. पायलच्या सासरच्या मंडळींनी माझ्या पतीचा देखील अपमान केला.’ सांगायचं झालं तर, मौसमीची मुलगी पायलने व्यावसायिक डिक्की सिन्हाशी लग्न केलं.

मौसमी आणि डिक्कीचे कुटुंब व्यवसायिक भागीदार होते. परंतु व्यवसायात झालेल्या तोट्यामुळे दोन्ही कुटुंबांमधील संबंध बिघडले. त्या काळात पायल कोमात गेली. त्यानंतर 2018 मध्ये, मौसमीने तिचा जावई डिक्की सिन्हा विरुद्ध पायलची योग्य काळजी घेत नसल्याची तक्रार दाखल केली. यावर डिक्की सिन्हा याने मौसमी विरुद्ध मानहानीचा खटला दाखल केला आणि त्यामध्ये जावयाचा विजय झाला.

डिक्की याने मौसमी यांच्यावर अनेक आरोप केलं. पण सर्व आरोपांना मौसमी यांनी फेटाळलं आणि म्हणाले, ‘मी रुग्णालयात पोहोचली तेव्हा पायलचं निधन झालं होतं. तिला शवगृहात ठेवलं होतं कारण रुग्णालयाचं बिल कोणीच भरलं नव्हतं. या घटनेवरुन कळतं की जगात किती प्रकारचे लोकं राहतात.’