42 वर्षीय अभिनेत्री, मुस्लिम क्रिकेटरसोबत होतं अफेअर, इंडस्ट्रीला केला रामराम; आता जगतेय असं आयुष्य
Bollywood Actress : बॉलिवूडची लोकप्रिय अभिनेत्री क्रिकेटपटूसोबतच्या अफेअरमुळे चर्चेत आलेली. आज अभिनेत्री अभिनयापासून दूर आहे.
बॉलिवूडमध्ये काही कलाकार आपल्या अभिनयामुळे ओळखले जातात, तर काही जण त्यांच्या वैयक्तिक आयुष्यामुळे चर्चेत राहतात. अभिनेत्री ईशा शरवानी हीदेखील अशाच कलाकारांपैकी एक आहे. आपल्या नृत्यकौशल्यानं आणि अभिनयानं प्रेक्षकांचं लक्ष वेधून घेणाऱ्या ईशाचं नाव भारतीय क्रिकेट संघाचा माजी वेगवान गोलंदाज झहीर खानसोबत जोडलं गेलं होतं.
दोघांच्या अफेअरची अनेक वर्षे चर्चा रंगली, मात्र त्यांचं नातं लग्नापर्यंत पोहोचू शकलं नाही. सध्या ईशा चित्रपटसृष्टीपासून दूर आहे.
ईशा शरवानीने २००५ मध्ये दिग्दर्शक सुभाष घई यांच्या ‘किसना’ या चित्रपटातून बॉलिवूडमध्ये पदार्पण केलं. या चित्रपटात ती अभिनेता विवेक ओबेरॉयसोबत झळकली होती. आपल्या अभिनयासोबतच नृत्यामुळेही तिनं प्रेक्षकांचं लक्ष वेधून घेतलं.
यानंतर ईशानं ‘यू मी और हम’, ‘दरवाजा बंद रखो’, ‘लक बाय चान्स’ आणि ‘करीब करीब सिंगल’ यांसारख्या चित्रपटांमध्ये काम केलं. तिनं काही तमिळ आणि मल्याळम चित्रपटांतही भूमिका साकारल्या. मात्र, हिंदी चित्रपटसृष्टीतील तिचा प्रवास फार काळ टिकला नाही आणि हळूहळू ती मोठ्या पडद्यापासून दूर गेली.
ईशा शरवानीचं नाव भारतीय क्रिकेटपटू झहीर खानसोबत जोडलं गेलं होतं. दोघं जवळपास आठ वर्ष रिलेशनशिपमध्ये होते. त्यांच्या लग्नाबाबतही अनेकदा बातम्या समोर आल्या. मात्र, दोघांनीही आपल्या नात्याबाबत सार्वजनिकरीत्या स्पष्टीकरण दिलं नव्हतं.
चित्रपटांमध्ये फार काळ सक्रिय नसली, तरी ईशानं आपल्या आवडीच्या क्षेत्राशी असलेलं नातं कायम ठेवलं आहे. ती एक कुशल नृत्यांगना असून एरियल डान्समध्येही तिनं प्रावीण्य मिळवलं आहे. ईशा विविध ठिकाणी नृत्याचं सादरीकरण करते आणि नृत्याचं प्रशिक्षणही देते. जगभरातील प्रेक्षकांसमोर थेट कार्यक्रम सादर करण्यावर तिचा भर आहे. त्यामुळे अभिनयापासून दूर गेल्यानंतरही तिनं आपली वेगळी ओळख जपली आहे. ईशा सध्या ऑस्ट्रेलियात राहतेय. ती सिंगल पॅरेन्ट म्हणून मुलाचा सांभाळ करत आहे. मात्र, तिच्या वैयक्तिक आयुष्याबाबतची सर्व माहिती सार्वजनिकरीत्या उपलब्ध नाही.
