Malhar Patekar : बायकोपासून वेगळं राहणाऱ्या नाना पाटेकरांचे कुटुंबासोबत कसे होते संबंध? मुलगा मल्हार पहिल्यांदाच झाला व्यक्त

ज्येष्ठ बॉलिवूड अभिनेते नाना पाटेकर यांच्या निधनानं चित्रपटसृष्टीत मोठी खळबळ उडाली आहे. ८ ऑक्टोबर रोजी गोव्यात हृदयविकाराच्या झटक्यानं वयाच्या ७५ व्या वर्षी त्यांचं निधन झालं. नानांच्या निधनानंतर, कुटुंब, चाहते आणि अनेक चित्रपट क्षेत्रातील व्यक्ती त्यांना श्रद्धांजली अर्पण करत आहेत. आता, नाना पाटेकर यांचा मुलगा, मल्हार पाटेकरनं आपल्या वडिलांच्या अखेरच्या आठवणींना उजाळा दिला आहे. त्यानं सांगितलं की, वडिलांच्या निधनाची बातमी समजताच त्याचं जग थांबलेलं. या कठीण काळात, त्याच्या आई-वडिलांचं सामर्थ्य आणि प्रेम त्याला या परिस्थितीचा सामना करण्याचं बळ देत आहे. कौटुंबिक संबंधांबद्दल गैरसमज निर्माण होत असल्याच्या वृत्तांवरही मल्हारनं नाराजी व्यक्त केली.

काय म्हणाला मल्हार पाटेकर?

हिंदुस्तान टाइम्सला दिलेल्या मुलाखतीत मल्हार पाटेकरनं सांगितलं की, लहानपणापासूनच तो आपल्या आई-वडिलांकडून सामर्थ्य आणि कठीण परिस्थितीला सामोरं जाण्याची क्षमता शिकला आहे. बाहेरील जग त्याच्या कुटुंबाबद्दल काय विचार करतं, यानं त्याला फारसा फरक पडत नाही. त्याच्यासाठी कुटुंबातील सदस्यांमधील भावनिक नातं आणि प्रेम महत्त्वाचं आहे. मल्हार म्हणाला की, त्याला त्याच्या कुटुंबातील सदस्यांकडून, काकांकडून आणि चुलत भावंडांकडून नेहमीच प्रेम मिळालं आहे. सोशल मीडियावर कौटुंबिक फोटो शेअर न करणं हे नात्यातील दुराव्याचे लक्षण आहे, या कल्पनेवरही त्यानं प्रश्नचिन्ह उपस्थित केलं. मल्हार म्हणाला की, इन्स्टाग्रामवर कौटुंबिक फोटो पोस्ट न करणं याचा अर्थ असा होत नाही की, कुटुंबातील सदस्य एकमेकांच्या जवळ नाहीत. त्यानं हेही स्पष्ट केलं की, त्याच्या आई-वडिलांचं नातं जवळपास ३८-३९ वर्षे टिकलं आणि विभक्त झाल्यानंतरही त्यांनी चांगले संबंध जपले. मल्हार म्हणाला की, कुटुंबाची वास्तविक परिस्थिती बाहेरून दिसते त्यापेक्षा वेगळी असू शकते. त्यामुळे, सोशल मीडियावर जे काही व्हायरल होतं, त्यावरून नात्यांबद्दल निष्कर्ष काढणं योग्य नाही.

नाना पाटेकर यांची प्रकृती आणि त्यांच्या अखेरच्या दिवसांबद्दल मल्हारनं सांगितलं की, ते कुटुंबाच्या सान्निध्यात राहत होते आणि त्यांना कधीही एकटेपणा जाणवला नाही. मल्हार म्हणाला की, कुटुंबातील कोणीतरी नेहमी त्यांच्यासोबत असायचं. त्याचे वडील खूप तंदुरुस्त होते आणि नियमितपणे व्यायाम करायचे. नाना पाटेकर जिममध्ये जवळपास अडीच तास व्यायाम करायचे. ते कधीही एकटे नव्हते आणि कुटुंबीय सतत त्यांची काळजी घ्यायचं, असंही मल्हार म्हणाला.

माझा चुलतभाऊ प्रसाद बाबांच्या मीटिंग्स आणि काम सांभाळत होता, असं मल्हार म्हणाला, नाना पाटेकर यांनी प्रसादला मुंबईला पाठवलं होतं कारण त्यांना दुसऱ्या दिवशी माधुरी दीक्षितसोबत ‘कौन बनेगा करोडपती’चं शूटिंग करायचं होतं. मल्हारने सांगितलं की, त्याचा दुसरा भाऊ, अमय, नाना पाटेकर यांना वरच्या मजल्यावर व्यवस्थित सोडून घरातून बाहेर पडला. जेव्हा नाना पाटेकर यांना अस्वस्थ वाटू लागलं, तेव्हा त्यांनी आधी मेसेज केला आणि नंतर फोन केला. फोन आल्यानंतर कुटुंबातील एक सदस्य लगेच त्यांच्यापर्यंत पोहोचला, पण तोपर्यंत खूप उशीर झाला होता, अशी माहिती मल्हारने दिली.

मल्हारनं सांगितलं की, पहाटे ५ वाजण्याच्या सुमारास जेव्हा त्याला आईचा फोन आला तेव्हा तो पुण्यात होता. वडिलांच्या निधनाची बातमी ऐकून त्याला इतका धक्का बसला की, त्यानंतर काय झालं हे त्याला फारसं आठवत नाही.