Ajit Pawar: मराठी अभिनेत्याने दाखवून दिलेली दादांची एक चूक, ‘तो’ Video पाहून म्हणाल…
Ajit Pawar: मराठी अभिनेत्याने दाखवून दिलेली दादांची एक चूक... अजित पवार देखील म्हणालेले, 'सांगत राहा त्यामुळे मला देखील कळेल आपलं काय योग्य आहे आणि काय', व्हिडीओ सोशल मीडियावर होतोय व्हायरल
Ajit Pawar: महाराष्ट्राचे दिवंगत उपमुख्यमंत्री अजित पवार यांच्या निधनानंतर अद्यापही राज्या सावरलेलं नाही. दादांच्या निधनानंतर कामाचा माणूस सोडून गेला… अशी भावना प्रत्येकाच्या मनात आहे. अजित पवार यांच्या अकस्मित निधनाने सर्वांनाच मोठा धक्का बसला आहे. अजित पवार यांच्या निधनानंतर त्यांचे अनेक जुने व्हिडीओ आता सोशल मीडियावर व्हायरल होत आहेत. दादांचे व्हिडीओ पाहिल्यानंतर डोळ्यात पाणी देखील. दादांचे फक्त राजकारण नाही तर, इतर क्षेत्रातील लोकांसोबत देखील चांगले संबंध होते. एका कार्यक्रमात मराठी अभिनेता निलेश साबळे यांनी केलेल्या अभिनेयाचं कौतुक दादांनी केलं आणि एक महत्त्वाची गोष्ट देखील सांगितली.
‘झी चित्र गौरव पुरस्कार 2024’ कार्यक्रमाचा देखील एक व्हिडीओ सध्या सोशल मीडियावर सर्वत्र व्हायरल होत आहे. या कार्यक्रमात अजित पवार उपस्थित होते. तेव्हा अभिनेता निलेश साबळे देखील स्टेज होता. तर गायक अवधूत गुप्तेनं अजित पवार यांना विचारलं की, ‘अजित पवार नावाचा बायोपिक झाला, तर कोणत्या अभिनेत्याने तुमची भूमिका करावी असं तुम्हाला वाटतं?’ यावर दादांनी ‘डॉक्टर निलेश साबळेनं करावा असं वाटतं…’ म्हणाले होते. यावर निलेश यांच्या अभिनयाचं आणि विनोदबुद्धीचं कौतुक करत, अजित पवार यांनी मजेदार किस्सा सांगितला.
View this post on Instagram
अजित पवार म्हणाले, ‘मी देखील निलेश साबळे काय बोलतात ते ऐकत असतो…आम्ही कधीच आरशासमोर प्रॅक्टिस करत नाही. एकदा माईक हातात घेतल्यानंतर जे विचार पटतात त्या पद्धतीने बोलत असतो. परंतू त्यांनी बऱ्याचदा याठिकाणी… याठिकाणी… याठिकाणी हा शब्द वापरला… मी तेव्हापासून ठरवलं की, हा शब्द जेवढा कमीतकमी वापरता येईल तेवढा कमी वापरायचा… त्यानंतरच्या काळात हा शब्द अजित पवार यांनी कमी केला… त्यामुळे अधून – मधून तुम्ही अशी माझी नक्कल करत राहा आणि त्याच्यातून मला देखील कळेल आपलं काय योग्य आहे आणि काय अयोग्य आहे…’ असं देखील अजित पवार म्हणाले होते.
अजित पवार यांचं निधन
बुधवारी म्हणजे 28 जानेवारी 2026 रोजी सकाळी एक बातमी समोर आली. अजित पवार यांच्या विमानाला अपघात झाला आणि या अपघातात अजित पवार यांचं निधन झालं… अजित पवार यांचं निधन झालं… अशी बातमी समोर आली आणि सर्वांनाच मोठा धक्का बसला. मुंबईहून बारामती येथे सभेला जात असताना अजि पवार यांचं विमान शेतात कोसळलं आणि स्फोट झाला. या अपघातात अजित पवार यांचं निधन झालं. त्यांच्यासोबत इतर पाच जणांचं देखील विमान अपघातात निधन झालं आहे.
