OTT वरील या 6 सीरिज, एकदा बघण्यास सुरुवात केली तर रात्रीची झोप विसरतात लोक, शेवटची तर प्रचंड…

तुम्हाला मर्डर मिस्ट्री, पोलिसांचा तपास आणि गुन्हेगारांचे डावपेच असलेल्या कथा आवडत असतील तर OTT वरील या क्राइम थ्रिलर वेब सीरिज तुमच्यासाठी उत्तम पर्याय ठरू शकतात. Netflix, Prime Video आणि JioHotstar या प्लॅटफॉर्मवर उपलब्ध असलेल्या या सीरिजमध्ये हत्या, गूढ रहस्ये, भ्रष्टाचार आणि सिरीयल किलरच्या थरारक कहाण्या पाहायला मिळतात.

1. कोहरा – Netflix

पंजाबमध्ये एका अनिवासी भारतीय तरुणाच्या हत्येपासून या कथेची सुरुवात होते. दोन पोलीस अधिकारी तपास करताना कुटुंबातील नातेसंबंध, भूतकाळ आणि अनेक गुपितांचा उलगडा करतात. बरुण सोबती, सुविंदर विक्की आणि मोना सिंह यांच्या अभिनयामुळे ही सीरिज विशेष ठरते.

2. खाकी: द बिहार चॅप्टर – Netflix

करण टॅकर आणि अविनाश तिवारी यांच्या प्रमुख भूमिका असलेल्या या सीरिजमध्ये पोलीस अधिकारी आणि कुख्यात गुन्हेगार यांच्यातील संघर्ष दाखवण्यात आला आहे. बिहारमधील गुन्हेगारी, भ्रष्टाचार आणि राजकीय प्रभाव यांमुळे कथेला वेग येतो. या सीरिजमध्ये सात एपिसोड आहेत.

3. पाताल लोक – Prime Video

जयदीप अहलावत यांची प्रमुख भूमिका असलेल्या या सीरिजमध्ये इन्स्पेक्टर हाथीराम चौधरी एका गंभीर गुन्ह्याचा तपास करतो. तपासादरम्यान भ्रष्टाचार, गुन्हेगारीचे जाळे आणि प्रभावशाली व्यक्तींशी संबंधित धक्कादायक गोष्टी समोर येतात.

4. असुर – JioHotstar

अरशद वारसी आणि बरुण सोबती यांच्या अभिनयाने सजलेली ही सीरिज फॉरेन्सिक सायन्स, मानसशास्त्र आणि पौराणिक संदर्भ यांची सांगड घालते. तपास यंत्रणेसमोर असलेल्या धूर्त गुन्हेगाराची विचारपद्धती आणि बदलणारे पुरावे कथेत उत्कंठा निर्माण करतात.

5. दहाड (Dahaad) – Prime Video

सोनाक्षी सिन्हा यांची प्रमुख भूमिका असलेल्या या सीरिजमध्ये राजस्थानमधील महिलांच्या रहस्यमय बेपत्ता होण्याच्या घटनांचा तपास दाखवण्यात आला आहे. पोलीस अधिकारी अंजली भाटी तपास करताना एका धोकादायक गुन्हेगारापर्यंत पोहोचण्याचा प्रयत्न करते. विजय वर्माची भूमिका या कथेला अधिक थरारक बनवते. या सीरिजमध्ये आठ एपिसोड आहेत.

6. सेक्रेड गेम्स (Sacred Games) – Netflix

सैफ अली खान आणि नवाजुद्दीन सिद्दीकी यांच्या प्रमुख भूमिका असलेली ही सीरिज मुंबईतील गुन्हेगारी जग, पोलीस यंत्रणा आणि गँगस्टर गणेश गायतोंडे यांच्याभोवती फिरते. एका फोन कॉलमुळे सुरू झालेला तपास शहरातील मोठे कटकारस्थान आणि अनेक रहस्ये उघड करतो.