राज कुंद्राचे दोन साथीदार अद्याप मोकाटच, दोघेही परदेशात असल्याने अटक नाही

| Updated on: Sep 19, 2021 | 4:22 PM

या प्रकरणात राज यांची कंपनी विहान एंटरप्रायजेसमध्ये काम करणाऱ्या काही कर्मचाऱ्यांना साक्षीदार बनवण्यात आले आहे. हे कर्मचारी या कार्यालयाच्या आयटी आणि लेखा विभागाचा भाग राहिले आहेत.

राज कुंद्राचे दोन साथीदार अद्याप मोकाटच, दोघेही परदेशात असल्याने अटक नाही
राज कुंद्राचे दोन साथीदार अद्याप मोकाटच
Follow us on

मुंबई : पॉर्न फिल्म प्रकरणी अटकेत असलेला उद्योगपती राज कुंद्राचे दोन साथीदार अद्याप मोकाटच आहेत. राज कुंद्रा सध्या तुरुंगात आहे, याबाबत अलीकडेच पोलिसांनी या प्रकरणाचे 1500 पानी पुरवणी आरोपपत्र दाखल केले आहे. या आरोपपत्रात प्रदीप बक्षी नावाच्या व्यक्तीचे नावही आले आहे. पोलिसांनी सांगितले की तो लंडनमध्ये राहतो, यामुळे त्याला पकडले गेले नाही. न्यूफ्लिक्स अॅपवरही अॅडल्ट कंटेंट विकला गेला होता, जे हे अॅप चालवणारा यश ठाकूर मूळचा कानपूर, यूपीचे रहिवासी असून सध्या सिंगापूरमध्ये आहे. ज्यामुळे पोलिसांनी त्याला अद्याप पकडले नाही. (Raj Kundra’s two accomplices have not been arrested yet)

हे आरोपपत्र दाखल केल्यापासून राज कुंद्राशी संबंधित नवीन नवीन माहिती सतत समोर येत आहे. दैनिक भास्करच्या बातमीनुसार, राज कुंद्रा यांनी आपल्या अॅपचे वापरकर्ते 3 पट आणि 2 वर्षात 8 पट नफा वाढवण्यासाठी पूर्ण योजना तयार केली होती. त्याला त्याच्या 119 चित्रपटांचा संपूर्ण संग्रह 8.84 कोटी रुपयांना विकायचा होता, राज कुंद्राचे पहिले अॅप प्ले स्टोअर आणि अॅपल स्टोअरमधून पूर्णपणे काढून टाकण्यात आले होते, त्यानंतर त्याने दुसरे अॅपही बनवले होते. कुंद्रा डिजिटल माध्यमांमधून बेकायदेशीर पैसे कमवणार होता, परंतु जेव्हा पोलिसांनी राजला पकडले आणि त्याच्या योजनेचा भांडाफोड झाला, त्यानंतर त्याने सर्व माहिती हटवून स्वतःला वाचवण्याचा प्रयत्न केला.

राजच्या कार्यालयातून 24 हार्ड डिस्क जप्त

राजच्या कार्यालयातून 24 हार्ड डिस्क जप्त करण्यात आल्या आहेत, त्यापैकी 35 चित्रपट पोलिसांना सापडले आहेत. दुसऱ्या संगणकामध्ये, पोलिसांना 16 चित्रपट मिळाले आहेत, जिथे 60 पेक्षा जास्त चित्रपट आणि PPT दुसऱ्या संगणकामध्ये सापडले आहेत, ज्यामुळे राजची योजना स्पष्टपणे दिसत आहे. राज कुंद्रा व्यतिरिक्त, प्रकरणाशी संबंधित आरोपींच्या कॉम्प्युटर आणि मोबाईलमधून अॅपचे कंटेंट, खर्च, उत्पन्न आणि भविष्यातील योजनांसह अनेक महत्त्वाची माहिती या प्रकरणाशी संबंधित इतर आरोपींच्या संगणक आणि मोबाईलवरून प्राप्त झाली आहे.

राज कुंद्राचे कर्मचारी पोलीस साक्षीदार झाले

या प्रकरणात राज यांची कंपनी विहान एंटरप्रायजेसमध्ये काम करणाऱ्या काही कर्मचाऱ्यांना साक्षीदार बनवण्यात आले आहे. हे कर्मचारी या कार्यालयाच्या आयटी आणि लेखा विभागाचा भाग राहिले आहेत.

राज कुंद्राची ग्राहक जोडण्याची ही योजना होती

राजचे आयटी मॅनेजर रायन थर्पचा लॅपटॉपही पोलिसांनी हस्तगत केला. जिथे या लॅपटॉपमध्ये, पोलिसांना राज कुंद्राची पुढील 2 वर्षांची संपूर्ण योजना देखील मिळाली होती. ज्यांध्ये PPT मध्ये राजचे प्रोजेक्शन होते की त्यांना 2021 मध्ये 31 लाख ग्राहक आणि 2022 मध्ये 98 लाख ग्राहकांना जोडायचे आहे. (Raj Kundra’s two accomplices have not been arrested yet)

इतर बातम्या

आता कारमध्येही फेस आयडी आणि फिंगरप्रिंट सेन्सर मिळणार, चावीशिवाय सगळी कामं होणार

लग्नाहून परतताना तरुणीवर सामूहिक बलात्कार, लिफ्टच्या बहाण्याने तिघांकडून अत्याचार