7,70,00,00,00,000 कोटींची मालकीण आहे राम चरणची पत्नी, उपासना कोनिडेला नेमकं काय करतात?
राम चरणच्या यशामागे पत्नी उपासनाचीही मोठी ओळख; चित्रपटांपासून दूर राहूनही आहेत हजारो कोटींच्या संपत्तीच्या मालकीण.
दाक्षिणात्य सुपरस्टार राम चरण सध्या त्याच्या ‘पेद्दी’ या चित्रपटाच्या यशामुळे चर्चेत आहे. या चित्रपटाने बॉक्स ऑफिसवर दमदार कामगिरी करत अवघ्या तीन दिवसांमध्ये भारतासह तेलुगूमध्ये 100 कोटी रुपयांहून अधिक कमाई केली आहे. तर जगभरातील कमाईचा आकडा 200 कोटी रुपयांच्या उंबरठ्यावर पोहोचल्याचे सांगितले जात आहे. चित्रपटाच्या या यशाचा आनंद राम चरणची पत्नी उपासना कोनिडेला यांनी केक कापून साजरा केला.
उपासना कोनिडेला या चित्रपटसृष्टीपासून दूर राहणे पसंत करतात. त्या कोणत्याही चित्रपटात काम करत नाहीत किंवा मनोरंजन क्षेत्रात सक्रिय नाहीत. मात्र, सोशल मीडियावर त्या चांगल्याच सक्रिय असून वैयक्तिक आयुष्याशी संबंधित फोटो आणि माहिती चाहत्यांसोबत शेअर करत असतात. पती राम चरणच्या प्रत्येक यशाचा आनंद त्या मोठ्या उत्साहाने साजरा करताना दिसतात.
यशस्वी उद्योजिका म्हणून वेगळी ओळख
चित्रपटसृष्टीशी संबंध नसला तरी उपासना या देशातील आरोग्य आणि फार्मा क्षेत्रातील एक प्रभावशाली व्यक्तिमत्त्व मानल्या जातात. त्या अनेक महत्त्वाच्या पदांवर कार्यरत आहेत. त्यांची आई आरोग्य क्षेत्रातील प्रसिद्ध उद्योजिका आहेत. उपासना या अपोलो समूहाशी संबंधित विविध सामाजिक आणि आरोग्यविषयक उपक्रमांमध्ये महत्त्वाची भूमिका बजावतात.
याशिवाय त्या एफएचपीएल या संस्थेच्या व्यवस्थापकीय संचालकपदाची जबाबदारीही सांभाळतात. त्यामुळे उद्योगविश्वात त्यांची स्वतंत्र आणि प्रभावी ओळख निर्माण झाली आहे.
77 कोटींची मालकीण
माध्यमांतील वृत्तांनुसार, उपासना या सुमारे 77 हजार कोटी रुपयांच्या व्यावसायिक साम्राज्याच्या वारसदार मानल्या जातात. त्यामुळे त्या दक्षिण भारतातील सर्वात प्रभावशाली व्यावसायिक महिलांपैकी एक म्हणून ओळखल्या जातात. विविध अहवालांनुसार, राम चरण आणि उपासना कोनिडेला या दाम्पत्याची एकत्रित संपत्ती सुमारे 2500 कोटी रुपये असल्याचे सांगितले जाते. त्यापैकी राम चरणची अंदाजे 1370 कोटी रुपयांची तर उपासना यांची सुमारे 1130 कोटी रुपयांची मालमत्ता असल्याचा दावा केला जातो. त्यामुळे हे जोडपे भारतीय चित्रपटसृष्टीतील सर्वात श्रीमंत दाम्पत्यांपैकी एक मानले जाते.
उपासना या उद्योजक अनिल कामिनेनी आणि शोभना कामिनेनी यांच्या कन्या आहेत. अपोलो हॉस्पिटल्स समूहाच्या समृद्ध वारशामुळे त्यांना उद्योग आणि आरोग्य व्यवस्थापन क्षेत्राचा मोठा अनुभव मिळाला आहे.
