राकेश बापटची पूर्व पत्नी 13 वर्षांनी लहान हिरोच्या प्रेमात? बाथरुम रोमान्स चर्चेत

‘द 50’ हा रिअॅलिटी शो सध्या चांगलाच चर्चेत आहे. या शोमध्ये अभिनेता राकेश बापटची पूर्व पत्नी आणि अभिनेत्री रिधी डोग्राने सर्वांचं लक्ष वेधलं आहे. रिधी आणि सिवेत तोमर यांच्यात जवळीक वाढत असून हे दोघं सतत एकमेकांसोबत फ्लर्ट करताना दिसून येत आहेत. इतकंच नव्हे तर शोमध्ये सिवेतने कॅमेरासमोर रिधीला प्रपोजसुद्धा केलं आहे. रिधीसुद्धा सिवेतबद्दल भावना व्यक्त करताना दिसून आली. आता या दोघांचा एक व्हिडीओ समोर आला आहे. सिवेतची वागणूक पाहून रिधी चिंतेत आली होती. तिने बाथरुममध्ये तिच्या भावना व्यक्त केल्या. तिथलाच या दोघांचा व्हिडीओ सध्या सोशल मीडियावर व्हायरल होत आहे.

शोमध्ये सिवेत रिधीवर नाराज होतो आणि तो तिच्यापासून दूर राहू लागतो. सिवेतची नाराजी रिधीला सहन होत नाही. त्याची नाराजी दूर करण्यासाठी ती त्याला बाथरुममध्ये घेऊन जाते आणि तिथे विचारते, “तू नेमकं काय करतोय, मला सांगशील का? तुला काय झालंय, हेच मला कळत नाहीये. तू माझ्याशी बोलत का नाहीयेस. मला फार वाईट वाटतंय. मला जाणून घ्यायचंय की नेमकं तुला काय झालंय?” तेव्हा सिवेत तिला सांगतो की रिधीने त्याला ‘ओव्हरफ्रेंडली’ आवडलं नाही. म्हणूनच त्याने तिच्याशी अबोला धरला होता. नंतर रिधी त्याला समजावते की, ती फक्त मस्करी करत होती. रिधी आणि सिवेतचा बाथरुममधील हा व्हिडीओ व्हायरल होत आहे.

View this post on Instagram

A post shared by JioHotstar Reality (@jiohotstarreality)

रिधीच्या अशा वागण्यामुळे चाहत्यांना असं वाटतंय की, तिलाही सिवेत आवडू लागला आहे. म्हणूनच सिवेतने अबोला धरताच ती त्याच्याशी बोलायला गेली. परंतु या व्हायरल व्हिडीओमुळे अनेकजण रिधी आणि सिवेतला ट्रोलसुद्धा करत आहेत. जर भांडण मिटवायचीच गोष्ट करायची होती, तर बाथरुममध्ये जाण्याची काय गरज होती, असा सवाल नेटकऱ्यांनी केला आहे. इतर ठिकाणीही दोघं बोलू शकत होते, असंही काहींनी म्हटलंय.

41 वर्षीय रिधी डोग्रा ही टेलिव्हिजन इंडस्ट्रीतील लोकप्रिय अभिनेत्री आहे. तिने अनेक सुपरहिट मालिकांमध्ये भूमिका साकारल्या आहेत. ती अभिनेता राकेश बापटची पूर्व पत्नी आहे. या दोघांनी 2011 मध्ये लग्न केलं होतं. लग्नाच्या आठ वर्षांनंतर 2019 मध्ये त्यांनी घटस्फोट घेतला होता. तर दुसरीकडे सिवेत हा 28 वर्षांचा असून रिधीपेक्षा वयाने 13 वर्षांनी लहान आहे. सिवेत हा रिअॅलिटी शो स्टार, मॉडेल आणि अभिनेता आहे. त्याने एमटीव्ही रोडीज आणि स्प्लिट्सविला यांसारख्या शोजमध्येही भाग घेतला होता.