सलमान खानसाठी आयुष्यातील ‘या’ खास व्यक्तीला विसरणं अशक्य, म्हणाला, ‘खूप क्लोज होतो…’
Salman Khan | सलमान खान याने अखेर मनातील भावना केल्या व्यक्त, आयुष्यातील खास व्यक्तीसाठी भाईजान म्हणाला, 'खूप क्लोज होतो...', सध्या सर्वत्र फक्त आणि फक्त सलमान खान याच्या वक्तव्याची चर्चा... कोणासाठी भाईजानने व्यक्त केल्या मनातील भावना?
गुरुवारी अभिनेत्री रवीना टंडन हिच्या ‘पटना शुक्ला’ सिनेमाच्या स्क्रिनिंगचं आयोजन करण्यात आलं होतं. स्क्रिनिंगसाठी अनेक बॉलिवूड सेलिब्रिटींनी हजेरी लावली होती. अभिनेता सलमान खान देखील भाऊ अरबाज खान याच्यासोबत उपस्थित होता. तेव्हा एका खास व्यक्तीच्या आठवणीत सलमान खान भावूक झाला. शिवाय सर्वांसमोर भाईजानने त्याच्या मनातील भावना देखील व्यक्त केल्या. ज्या खास व्यक्तीच्या आठवणीत सलमान खान भावूक झाला ती व्यक्ती दुसरी तिसरी कोणी नसून दिवंगत अभिनेते सतीश कौशिक होते. गेल्या वर्षी सतीश कौशिक यांचं निधन झालं. पण आद्याप सेलिब्रिटी आणि चाहत्यांच्या मनात असलेलं प्रेम कमी झालं नाही.
जेव्हा सलमान खान स्क्रिनिंगसाठी पोहोतला तेव्हा पापाराझींनी अभिनेत्याला सतिश कौशिक यांच्याबद्दल विचारलं. यावर भाईजान म्हणाला, ‘सतीश कौशिक माझ्या प्रचंड क्लोज होते. त्यांच्याबद्दल सर्वांत मोठी गोष्ट सांगायची झाली तर, त्यांनी निधनापूर्वी सर्व सिनेमांची शुटिंग पूर्ण केली. ‘किसी का भाई किसी की जान’ सिनेमात देखील सतीश होते…’ असं म्हणत सलमान खान भावूक झाला. सलमान खान याचा व्हिडीओ सध्या सोशल मीडियावर तुफान व्हायरल होत आहे.
View this post on Instagram
सलमान खान आणि सतीश कौशिक यांनी अनेक सिनेमांमध्ये एकत्र स्क्रिन शेअर केली आहे. ‘किसी का भाई किसी की जान’ सिनेमाशिवाय दोघांनी ‘दुल्हन हम ले जाएंगे’, ‘गॉड तुस्सी ग्रेट हो’ ‘भारत’ यांसारख्या अनेक सिनेमांमध्ये काम केलं आहे. सतिश कौशिक यांच्या निधनानंतर बॉलिवूडमध्ये खळबळ माजली होती. त्यांचं निधन झालंय की हत्या अशा चर्चा देखील रंगल्या होत्या.
‘पटना शुक्ला’ सिनेमात सतीश कौशिक यांची भूमिका
‘पटना शुक्ला’ OTT प्लॅटफॉर्म डिस्ने प्लस हॉटस्टारवर 29 मार्चपासून प्रदर्शित होत आहे. अरबाज खान निर्मित सिनेमात सतीश कौशिक न्यायाधीशाच्या भूमिकेत आहे. त्यांना पुन्हा पाहण्यासाठी चाहते देखील उत्सुक आहेत. सध्या सर्वत्र फक्त आण फक्त ‘पटना शुक्ला’ सिनेमाची चर्चा रंगली आहे.
सतीश कौशिक यांचं निधन
सतीश कौशिक यांनी गेल्या वर्षी जगाचा निरोप घेतला होता. 9 मार्च 2023 रोजी हृदयविकाराच्या झटक्याने त्यांचे निधन झालं. रंगपंचमीच्या दुसऱ्या दिवशी सतीश कौशिक यांचं निधन झाल्यामुळे सर्वत्र खळबळ माजली होती. सतीश कौशिक यांच्या निधनानंतर बॉलिवूडचं मोठं नुकसान झालं… असं म्हणायला हरकत नाही. कारण त्यांनी आपल्या विनोदबुद्धीने चाहत्यांचं मनोरंजन केलं.
