पोलियोच्या जाहिराती केल्या पण मुलाला पायावर उभं..; कॉमेडियनने अमिताभ बच्चन यांची उडवली खिल्ली

‘इंडियाज गॉट लेटेंट’ या शोच्या एका एपिसोडमध्ये पालकांवरून केलेल्या एका टिप्पणीमुळे कॉमेडियन समय रैना वादाच्या भोवऱ्यात सापडला होता. हा वाद इतका वाढला की त्याला युट्यूबवरील सर्व व्हिडीओज काढून टाकावे लागले होते. आता समय रैना ‘स्टिल अलाइव्ह’ या स्पेशल सेगमेंटद्वारे प्रेक्षकांच्या भेटीला आला आहे. यात समय पुन्हा एकदा त्याच्या बेधडक अंदाजात कॉमेडी करताना दिसून आला. या एपिसोडमध्ये समय रैनाने अमिताभ बच्चन यांना रोस्ट केलं आहे. त्याचा व्हिडओ सध्या सोशल मीडियावर चर्चेत आला आहे.

या शोमध्ये ‘केबीसी’चा उल्लेख करत समय म्हणाला, “मी अमिताभ बच्चन यांच्यासमोर खोटं बोललो की माझी आजी त्यांची खूप मोठी चाहती आहे. खरंतर माझ्या आजीचं निधन होऊन सात वर्षे झाली आहेत. मी फक्त खेळासाठी आजीचा उल्लेख केला होता. तुम्ही भारतीय इंटरनेटवर प्रामाणिक नसता. केबीसीमध्ये जाताना मी विचार केला की, मी प्रत्येक ठिकाणी ‘हरामी’ बनतो, मग तिथे सभ्य वागू लागलो तर लोक मला म्हणतील की मी व्हर्सेटाइल क्रिएटर आहे. तिथे हॉटसीटवर बसल्यानंतर माझ्या डोक्यात उलटसुलट विचार येत होते. परंतु मी स्वत:ला नियंत्रणात ठेवलं. मला अमिताभ बच्चन यांच्यासमोर एक विनोद करायचा होता, पण मी स्वत:ला सावरलं. सर.. तुम्ही पोलियोच्या इतक्या जाहिराती केल्या, तरीसुद्धा तुम्ही तुमच्या मुलाला स्वत:च्या पायावर उभं करू शकला नाहीत.” समयच्या या विनोदावर उपस्थितांमध्ये एकच हशा पिकतो.

पहा व्हिडीओ

Samay Raina COOKED Amitabh Bachchan and Abhishek Bachchan 😭

“Aapne itna polio ka ad kia, apne bete ko pairo par khada kyu nahi kar paye” pic.twitter.com/3uxA04tjuw

— Chota Don (@choga_don) April 7, 2026

केबीसीमध्ये उपस्थित राहिल्यानंतर पुढची परिस्थिती कशी निर्माण झाली असेल, याबद्दलही त्याने विनोद केला. “अमिताभ सरांनी तर मला पाहिलंच असेल. ते ट्विटरवर खूप सक्रिय असतात. मी त्यांना खूप आवडलो होतो. परंतु जेव्हा त्यांनी मला बातम्यांमध्ये पाहिलं असेल, तेव्हा सर्वांत आधी त्यांना असंच वाटलं असेल की मी खूप मोठा तीर मारला आहे. मला परम वीर चक्र मिळाला आहे. मग त्यांनी सर्वांना बोलावलं असेल. अभिषेक-अभिषेक हे बघ.. खूप चांगला मुलगा आहे हा. रेखा.. जया इकडे या, अरे ऐश्वर्या इथे ये. मग त्यांनी टीव्ही सुरू केला असेल आणि त्यानंतर त्यांची अवस्था ‘सूर्यवंशम’मधल्या भूमिकेसारखी झाली असेल”, असं तो म्हणतो. समय रैनाच्या या व्हिडीओ नेटकरी विविध प्रतिक्रिया देत आहेत.