‘ते मला मरायाचे…’, सोनाक्षी सिन्हा भावांविषयी असं का म्हणाली?
अभिनेत्री सोनाक्षी सिन्हाने नुकत्याच दिलेल्या एका मुलाखतीमध्ये भाऊ लव-कुश बद्दल वक्तव्य केले. तिने केलेल्या वक्तव्याने सर्वांचे लक्ष वेधले आहे.
बॉलिवूड अभिनेत्री सोनाक्षी सिन्हा ही कायमच खासगी आयुष्यामुळे चर्चेत आहे. काही दिवसांपूर्वी सोनाक्षीने बॉयफ्रेंड जहीर इक्बालशी लग्न करत सर्वांना चकीत केले. सुरुवातीला सोनाक्षीच्या आंतरधर्मिय लग्नाला सर्वांचा नकार होता. पण नंतर सोनाक्षीच्या लग्नात तिचे आई-वडील दोघेही उपस्थित असल्याचे पाहायला मिळते. मात्र, सोनाक्षीच्या लग्नाला भाऊ लव आणि कुश गैरहजर असल्याचे दिसले. आता अलिकडेच दिलेल्या मुलाखतीमध्ये सोनाक्षीने तिच्या भावंडांबद्दल प्रश्न विचारताच दिलेल्या उत्तराने सर्वांचे लक्ष वेधून घेतले आहे.
सोनाक्षीने नुकताच एका वृत्तवाहिनीला मुलाखत दिली. या मुलाखतीमध्ये ती भावंडांविषयी बोलताना म्हणाली, ‘मी घरात सर्वात लहान. त्यामुळे मी सर्वांची लाडकी होते. या गोष्टीमुळे माझे भाऊ माझ्यावर प्रचंड जळायचे. त्यांनी अनेकदा मला मारलंही. जसे प्रत्येक घरात बहिण-भावाची भांडणे होतात. तशीच माझी लव आणि कुशसोबत भांडणे होत. पण हे अगदी नॉर्मल आहे.’
सोनाक्षीने काही महिन्यांपूर्वी मुंबईतील राहत्या घरात लग्न केले. त्यांचा विवाहसोहळा हा रजिस्टर पद्धतीने करण्यात आला. या लग्नासाठी कोणलाही धर्म बदलावा लागला नाही. सुरुवातीला चर्चा होती की सोनाक्षीच्या लग्नाला कुटुंबीयांचा विरोध आहे. मात्र, सोनाक्षीच्या लग्नात तिचे आई वडील, शत्रुघ्न सिन्हा आणि पूनम सिन्हा दोघेही हजर होते. त्यांनी लेकीला आशिर्वाद दिली. मात्र, सोनाक्षीचे भाऊ या लग्नात गैरहजर होते. ते आजही सोनाक्षीशी बोलत नाहीत. पण सोनाक्षीने याबाबत कधीही तक्रार केलेली नाही. सोनाक्षी आणि जहीर सध्या आनंदाने एकत्र संसार करत आहेत. तसेच दोघांचेही त्यांच्या फिल्मी करिअरकडे लक्ष आहे.
सोनाक्षीने आंतरधर्मिय विवाह केल्यामुळे तिला सोशल मीडियावर अनेकदा ट्रोलिंगचा सामना करावा लागत आहे. मात्र, सोनाक्षी कधीही या ट्रोलिंगकडे लक्ष देत नाही. तिचे पूर्ण लक्ष हे तिच्या संसारावर आहे.
