Suraj Chavan: मला ती सोडून गेली; सूरज चव्हाणसोबत हे काय घडलं? स्वत: केला खुलासा
बिग बॉस मराठी सिझन 5चा विजेता सूरज चव्हाण हा कायम चर्चेत असतो. नुकताच दिलेल्या एका मुलाखतीमध्ये त्याने मोठा आणि धक्कादायक खुलासा केला आहे.
बिग बॉस मराठी सिझन ५ चा विजेता सुरज चव्हाण हा कायमच चर्चेत असतो. अलिकडेच त्याने दिलेल्या एका मुलाखतीत आपल्या वैयक्तिक आयुष्यापासून ते बिग बॉसच्या घरातील अनुभवांपर्यंत अनेक गोष्टी उघड केल्या आहेत. सदैव चर्चेत राहणारा आणि सोशल मीडियावर सक्रिय असलेला सुरजने मुलाखतीमध्ये ती मला सोडून गेली असे देखील म्हणाला. त्यामुळे सुरजला कोणत्या मुलीने धोका दिला? असा प्रश्न अनेकांना पडला आहे.
नात्यात मिळाला धोका
मुलाखतीत सुरज चव्हाणने आपल्या वैयक्तिक आयुष्यातील एका कठीण प्रसंगाचा खुलासा केला. ते म्हणाले, “मला एकदा मोठा धोका मिळाला. ती मला सोडून गेली. मी तेव्हा प्रचंड रागावलो होतो. पण त्याच रागातून मी जिद्दीने काही तरी मोठे करण्याचा निर्णय घेतला.”
सुरज पुढे म्हणाला, “तिला गोरापान मुलगा आवडत होता. मी काळासावळा असल्याने तिने मला कमी लेखले. पण मला माहित होते की, काळासावळा असलो तरी माझ्यात गुण आहेत. मी टिकटॉक स्टार होण्याचा निर्णय घेतला आणि झालोही. आज माझ्यामागे पोरींची कमतरता नाही. मी हँडसम नसलो तरी ‘चॉकलेट बॉय’ तर आहे ना!”
बिग बॉसबद्दल काय म्हणाले सुरज?
बिग बॉस मराठीबद्दल बोलताना सुरज चव्हाण म्हणाला, “बिग बॉस हा देवासारखा आहे. मी बिग बॉसला देव मानतो. घरातील स्पर्धक गेमसाठी येतात आणि ते कोणत्याही थराला जाऊ शकतात. आता मला बिग बॉस बघायचीही इच्छा होत नाही.”
ते पुढे म्हणाले, “बिग बॉसच्या घरात मी तयार झालो. स्पर्धकांना मी कुटुंब मानतो. माझ्या फॅन्सना माझ्या लग्नात यायचे होते. माझे लग्न खूप मोठ्या लोकांच्या उपस्थित पार पडले, कारण महाराष्ट्राने मला प्रेम दिले.”
स्वप्नात आले पप्पा…
सुरज चव्हाणने एक भावनिक क्षणही शेअर केला. तो म्हणाला, “बिग बॉसच्या घरात मी झोपण्यापूर्वी रोज ध्यान करायचो. एका रात्री स्वप्नात माझे पप्पा आले आणि म्हणाले, ‘ट्रॉफी तर तूच नेणार.’ ट्रॉफी माझ्यासाठी लक्ष्मी आहे. ती माझ्या नशिबातच होती.”
