Tujhech Mi Geet Gaat Aahe: ‘तुझेच मी गीत गात आहे’ मालिकेत वनिता खरातची एण्ट्री

रंजनाचा स्वभाव थोडासा रागीष्ट आहे मात्र स्वराची पार्श्वभूमी कळल्यावर ती खूप प्रेमाने तिला जवळ करते. मालिकेत हा भावनिक प्रसंग प्रेक्षकांना पाहायला मिळणार आहे. पडद्यामागेही स्वराची भूमिका साकाराणाऱ्या अवनीसोबत वनिताची खास गट्टी जमली आहे.

Tujhech Mi Geet Gaat Aahe: 'तुझेच मी गीत गात आहे' मालिकेत वनिता खरातची एण्ट्री
Vanita Kharat
Image Credit source: Tv9
टीव्ही 9 मराठी डिजीटल टीम

| Edited By: स्वाती वेमूल

Jul 05, 2022 | 8:25 AM

स्टार प्रवाह (Star Pravah) वाहिनीवरील ‘तुझेच मी गीत गात आहे’ (Tujhech Mi Geet Gaat Aahe) या मालिकेचं कथानक अतिशय उत्कंठावर्धक वळणावर येऊन पोहोचलं आहे. स्वरा आणि तिच्या बाबांची भेट होणार का याची उत्सुकता असतानाच आता मालिकेत रंजना या नव्या पात्राची एण्ट्री झाली आहे. सुप्रसिद्ध अभिनेत्री वनिता खरात (Vanita Kharat) रंजना हे पात्र साकारत असून मालिकेत तिचं स्वरासोबतचं खास सीन पाहायला मिळणार आहेत. रंजना हे पात्र खूपच वेगळं आहे. रंजना एक छोटीशी खानावळ चालवत असते. वडिलांचा शोध घेत असलेल्या स्वरासोबत तिची भेट होते आणि काही काळासाठी ती तिला आपल्या खानावळीत आसरा देते. खास बात म्हणजे रंजना हे पात्र मालवणी भाषेत बोलतं. अभिनेत्री वनिता खरातसाठी मालवणी भाषेत बोलणं आव्हानात्मक होतं. मात्र सहकलाकारांच्या मदतीने मालवणी भाषेचा गोडवा जपत तिने हे पात्र खुलवलं आहे.

रंजनाचा स्वभाव थोडासा रागीष्ट आहे मात्र स्वराची पार्श्वभूमी कळल्यावर ती खूप प्रेमाने तिला जवळ करते. मालिकेत हा भावनिक प्रसंग प्रेक्षकांना पाहायला मिळणार आहे. पडद्यामागेही स्वराची भूमिका साकाराणाऱ्या अवनीसोबत वनिताची खास गट्टी जमली आहे. इतक्या लहान वयात तिला असणारी समज पाहून थक्क व्हायला होतं. स्वरा साकारण्यासाठी अवनीने नागपूरी भाषा आत्मसात केली आहे. अतिशय गोड आणि हुशार अश्या स्वरासोबत काम करताना अतिशय मजा आली अशी भावना वनिताने व्यक्त केली.

 

View this post on Instagram

 

A post shared by Star Pravah (@star_pravah)

स्वरा आणि तिच्या बाबांची भेट-

बाबांची लवकरात लवकर भेट व्हावी अशी स्वराची इच्छा असतानाच योगायोगाने साईबाबांच्या मंदिरात स्वरा आणि तिचे बाबा एकत्र येतात. मंदिरात दोघं एकत्र येतात खरे पण बाप-लेकीची भेट होणार का याची उत्सुकता आता वाढली आहे. ठाणे वर्तक नगर येथील प्रतिशिर्डी मानल्या जाणाऱ्या साईबाबा मंदिरात बाप-लेकीसोबतचा हा खास सीन शूट करण्यात आला आहे. या सीनसाठी संपूर्ण टीमने विशेष मेहनत घेतली असून जास्तीत जास्त रिअल लोकेशनचा वापर करण्यात येत आहे. तुझेच मी गीत गात आहे ही मालिका रात्री 9 वाजता स्टार प्रवाह वाहिनीवर प्रसारित होते.

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें