Thalapathy Vijay : आईवडिलांच्या लग्नात 6 वर्षांचा थलपती विजय उपस्थित; हा फोटो पाहून म्हणाला..

तामिळनाडू येथे डीएमके आणि एआयडीएमके दबदबा होता, पण 4 मे रोजी लागलेल्या निकालात थलपती विजय यांचा TVK पक्ष मोठा ठरला आहे, जो फक्त दोन वर्षांपूर्वी स्थापन झालेला. 107 जागांवर TVK पक्षाचा विजय झाला आहे. राजकारणात मोठी भरारी घेतल्यामुळे विजय यांच्या खासगी आयुष्याच्या चर्चांनी देखील जोर धरला आहे… सध्या विजय यांच्या आई – वडिलांच्या लग्नातील एक फोटो व्हायरल होत आहे, ज्यामध्ये विजय देखील उपस्थित होते आणि फक्त 6 वर्षांचे होते. जाणून घ्या विजय यांच्या आई – वडिलांच्या नात्याबद्दल…

दिग्दर्शक एस. ए. चंद्रशेखर आणि त्यांची पत्नी शोभा चंद्रशेखर यांच्या मुलाचं नाव थलपती विजय… हे नाव त्यांना तामिळच्या जनतेने प्रेमाने दिलं. वडील फिल्म इंडस्ट्रीमधील असल्यामुळे विजय यांनी लहानपणापासून सिनेमांमध्ये काम करण्याची संधी मिळाली. विजय यांच्या वडिलांबद्दल सांगायचं झालं तर, ते प्रचंड महत्वकांशी होती. करियरच्या सुरुवातीला त्यांनी दिग्दर्शक राजेंद्र प्रसाद यांच्यासोबत सहाय्यक म्हणून काम केलं. तर विजय यांच्या आई लोकप्रिय गायिका होत्या. त्यांनी अनेक सिनेमांमध्ये देखील पार्श्वगायन केलं… अशात हळूहळू चंद्रशेखर आणि शोभा यांच्या प्रेम बहरलं.

एकदा चंद्रशेखर यांनी तामिळ अभिनेते शिवाजी गणेशन यांना मनातील भावना सांगितल्या आणि म्हणाले, ‘मला शोभा सोबत लग्न करायचं आहे.’ शिवाजी गणेशन आणि त्यांच्या कुटुंबियांनी देखील त्यांच्या नात्याचा स्वीकार केला. 1973 मध्ये चंद्रशेखर आणि शोभा यांनी कुटुंबियांच्या उपस्थितीत लग्न केलं आणि 1974 मध्ये थलपती विजय यांचा जन्म झाला.

सांगायचं झालं तर, चंद्रशेखर ख्रिश्चन होते, तर शोभा हिंदू होत्या. दोघांनी आंतरधर्मीय विवाह केला होता, पण धर्म त्यांच्या नात्यात कधीच आड आला नाही. रिपोर्टनुसार जेव्हा विजय सहा वर्षांचे झाले, तेव्हा शोभा यांच्या विनंतीवरून त्यांनी चर्चमध्ये दुसऱ्यांदा लग्न केलं. त्यावेळचा एक फोटो आजही सोशल मीडियावर व्हायरल होतो. या अनोख्या लग्नात त्यांचा मुलगा विजयदेखील उपस्थित होता.

आई – वडिलांप्रमाणे वियज यांनी देखील संगीता नावाच्या हिंदू मुलीसोबत लग्न केलं. त्यांच्या नात्यामध्ये देखील धर्म कधीच आहला नाही. पण 27 वर्षांनंतर विजय आणि संगीता यांच्या वैवाहिक आयुष्यात मोठं संकट आलं आहे… संगीता हिने कोर्टात घटस्फोटासाठी अर्ज दाखल केला आहे. विजय यांचे दुसऱ्या महिलेसोबत अफेअर असल्याचं संगीता यांनी सांगितलं आहे. अशात राजकारणात यश मिळालं असलं तरी, विजय यांच्या खासगी आयुष्यात मोठं वादळ आलं आहे.