Prithviraj Teaser Out | उलगडणार इतिहासातील सुवर्ण पान, बहुचर्चित ‘पृथ्वीराज’ चित्रपटाचा दमदार टीझर रिलीज
अक्षय कुमारचा बहुचर्चित 'पृथ्वीराज' या चित्रपटाचा टीझर नुकताच रिलीज झाला आहे. या चित्रपटाची चर्चा अनेक दिवसांपासून सुरू होती. अक्षय कुमारला पृथ्वीराजच्या भूमिकेत पाहण्यासाठी अनेक जण उत्सुक होते. यशराज फिल्म्सच्या यूट्यूब चॅनलवर हा टीझर रिलीज करण्यात आला आहे.
मुंबई : अक्षय कुमारचा बहुचर्चित ‘पृथ्वीराज’ या चित्रपटाचा टीझर नुकताच रिलीज झाला आहे. या चित्रपटाची चर्चा अनेक दिवसांपासून सुरू होती. अक्षय कुमारला पृथ्वीराजच्या भूमिकेत पाहण्यासाठी अनेक जण उत्सुक होते. यशराज फिल्म्सच्या यूट्यूब चॅनलवर हा टीझर रिलीज करण्यात आला आहे.
काय आहे टीझरमध्ये
या चित्रपटाच्या माध्यमातून इतिहासातील एक सोनेरी पान पुन्हा सर्वांसमोर येणार आहे. या टीझरची सुरुवात पृथ्वीराज, चौहान यांच्या शौर्याची गाथा सांगून होतो.दरम्यान, सर्वोत्तम युद्ध दृश्ये पाहायला मिळतात. यामध्ये संजय दत्तही अक्षय कुमारप्रमाणे अॅक्शन करताना दिसत आहे. त्याच प्रमाणे सोनू सूदही एका वेगळ्या अवतारामध्ये आपल्याला पाहायला मिळणार आहे . त्याचा लूक प्रेक्षकांची उत्सुकता वाढवू शकतो. याआधी सोनू सूद कधीही अशा लूकमध्ये दिसला नाही.
अक्षय कुमारची प्रतिक्रिया
अक्षय म्हणतो, “ही कथा इतिहासातील अभिमान आणि शौर्य आहे. महान योद्धा सम्राट पृथ्वीराज चौहान यांचे काम करायला मिळणे ही अभिमानाची गोष्ट आहे. यशराज फिल्म्सचा हा चित्रपट 21 जानेवारील चित्रपटतगृहांमध्ये पाहायला मिळेल असे लिहत अक्षय कुमारने त्याच्या सोशल मिडीयावर या चित्रपटाचे पोस्टर टाकले आहे. टिझर पाहून चित्रपटाबद्दल उत्सुकता वाढली आहे.
मानुषीचा डेब्यू चित्रपट
सुंदर मानुषीने संयोगिताची भूमिका साकारली आहे. हा मानुषीचा पहिला चित्रपट आहे आणि 2022 च्या बहुप्रतिक्षित पदार्पणापैकी एक आहे. यशराज फिल्म्स निर्मित, पृथ्वीराजचे दिग्दर्शन डॉ चंद्रप्रकाश द्विवेदी यांनी केले आहे. यांनी “चाणक्य” या सर्वात मोठ्या टेलिव्हिजन एपिक ड्रामाचे दिग्दर्शन केले आहे. हे महाकाव्य नाटक भारतातील सर्वात प्रभावशाली राजकीय रणनीतीकार चाणक्य यांच्या जीवनावर आधारित होते. याशिवाय द्विवेदी यांनी अनेक पुरस्कार विजेत्या चित्रपटांचे दिग्दर्शन केले आहे. पिंजर हा त्यांचा असाच एक गाजलेला चित्रपट आहे. पृथ्वीराज 21 जानेवारी 2022 रोजी जगभरात प्रदर्शित होणार आहे.
हे ही वाचा :
Mouni Roy : मौनी रॉयने व्हाईट ड्रेसमध्ये दाखवला बोल्ड अवतार, पाहा फोटो!
