Asha Bhosale : आजही ट्रेंड करतायेत आशा ताईंची ‘ही’ गाणी, Reels वर तर जादू
Asha Bhosle Died: लोकप्रिय गायिका आशा भोसले यांच्या निधनाने संपूर्ण देशाला मोठा धक्का बसला आहे. आशा ताईंनी अनेक गाणी गायिली, त्यातील काही आजही ट्रेंड होत आहेत... Rees वर तर त्यांच्या आवाजाची जादू असते...
Asha Bhosle Died: भारतीय संगीत विश्वातील अष्टपैलू गायिका आशा भोसले यांचं निधन झालं आहं. रविवारी (12 एप्रिल, 2026) त्यांनी अखेरचा श्वास घेतला. आपल्या जादुई आणि अष्टपैलू आवाजाने अनेक दशके जगाला मंत्रमुग्ध करणाऱ्या आशा भोसले आता आपल्यात नसल्या तरी, कलाकार कधीही मरत नाही; ते त्यांच्या कार्यातून जिवंत राहतात. त्याच प्रमाणे आशा ताई देखील त्यांच्या आवाजातून चाहत्यांच्या आठवणीत राहतील. अशी असंख्य गाणी आहेत, जी आशा ताईंनी गायली. पण त्यामधील काही गाणी आजही ट्रेंड होत असतात. एवढंच नाही तर, Reels वर देखील आशा ताई यांची गाणी आजही लोकप्रिय आहेत.
दम मारो दम – जेव्हा रील्सवरील स्वॅग आणि ॲटिट्यूडचा विषय येतो, तेव्हा ‘दम मारो दम’ला कोणीही हरवू शकत नाही. गाण्याचं खास संगीत आणि आशाजींचा मंत्रमुग्ध करणारा आवाज सध्याच्या वातावरणाला अगदी साजेसा आहे. तरुण पिढी अनेकदा आपला बोल्ड लूक दाखवण्यासाठी आणि स्लो-मोशन व्हिडिओ तयार करण्यासाठी या गाण्याचा वापर केला जातो…
चुरा लिया है तुमने जो दिल को – हे रोमँटिक गाणं रिल्ससाठी लोकप्रिय आहे. आजही हे गाणे कपल्सच्या आवडीचं गाणं आहे… 1973 मध्ये हे गाणं प्रदर्शित झालेलं. आजकाल त्याचे रिमिक्स आणि लो-फाय व्हर्जन्स प्रचंड ट्रेंड होत आहेत.
झुमका गिरा रे – कोणतंही कार्यक्रम असेल तर, या गाण्याशिवाय कार्यक्रम पूर्ण होत नाही, लग्नात देखील गाणं वाजतं… इन्फ्लुएन्सर्स आशाजींच्या या अजरामर गाण्यावर आपले पारंपरिक दागिने आणि नृत्य सादर करताना दिसतात.
ओ हसीना जुल्फों वाली – कोणत्याही पार्टीमध्ये तर हे गाणं हमखास वाजतं… मोहम्मद रफीसोबतच्या मदतीने हे गाणं एक अजरामर पार्टी अँथम बनलं आहे. या गाण्याच्या हुक स्टेप्सची क्रेझ आजही दिसून येते… यावर अनेक रिल्स देखील सोशल मीडियावर व्हायरल होत असतात.
ये मेरा दिल प्यार का दीवाना – महानायक अमिताभ बच्चन यांचा ‘डॉन’ असो किंवा अभिनेता शाहरुख खानचा, आशा यांनी गायलेलं हे गाणं आजही प्रत्येक कार्यक्रमाची शान ठरतं. मुली अनेकदा त्यांच्या ‘बॉस लेडी’ लूकसाठी हे गाणं निवडतात.
आइए मेहरबान – जर तुम्हाला आशाजींच्या आवाजातील गोडवा पाहायचा असेल, तर हे गाणे त्याचे उत्तम उदाहरण आहे. या गाण्यावर ब्लॅक अँड व्हाईट फिल्टर वापरून तयार केलेले रील्स इन्स्टाग्रामवर खूपच कलात्मक दिसतात. अशी असंख्य गाणी सोशल मीडियावर ट्रेंड करत असतात.
