हिला घरी ठेवलं पाहिजे..; विजयसोबत अफेअरच्या चर्चांदरम्यान त्रिशाबद्दल अभिनेत्याची आक्षेपार्ह टिप्पणी, भडकून म्हणाली ‘मूर्खपणाला..’

प्रसिद्ध दाक्षिणात्य अभिनेत्री त्रिशा कृष्णन गेल्या काही दिवसांपासून तिच्या खासगी आयुष्यामुळे चर्चेत आहे. अभिनेता थलपती विजयच्या पत्नीने घटस्फोटाचा अर्ज दाखल करत त्याच्यावर विवाहबाह्य संबंधाचा आरोप केल्यानंतर त्रिशाच्या नावाची जोरदार चर्चा सुरू झाली. या चर्चांदरम्यान त्रिशा आणि विजय एका लग्नसोहळ्यात एकत्र उपस्थित राहिले. या दोघांच्या या उपस्थितीने सर्वांच्याच भुवया उंचावल्या होत्या. या दोघांचे फोटो आणि व्हिडीओ सोशल मीडियावर व्हायरल होत असतानाच चित्रपट निर्माता आणि अभिनेता आर. पार्थिवनने दोन वेगवेगळ्या प्रसंगी परिस्थितीबद्दल भाष्य केलं. त्यानंतर आता त्रिशाने तिच्या एक्स (ट्विटर) अकाऊंटवर पोस्ट लिहित चांगलाच समाचार घेतला आहे.

त्रिशाची पोस्ट-

‘अलिकडे एका कार्यक्रमाच्या आयोजकांनी मला कळवलं की माझं नाव आणि फोटो शेवटच्या क्षणी एका व्यक्तीच्या विनंतीवरून समाविष्ट करण्यात आला आहे, ज्याने त्याच्या सहाय्यकाद्वारे कळवलं होतं. मायक्रोफोन एखाद्या टिप्पणीला बुद्धिमान किंवा विनोदी बनवत नाही. तो फक्त मूर्खपणाला अधिक अधोरेखित करतो. ज्ञानाशिवाय असभ्य शब्द हे ज्या व्यक्तीला उद्देशून म्हटले आहेत, त्या व्यक्तीपेक्षा बोलणाऱ्याबद्दल अधिक सांगतात’, अशा शब्दांत तिने कोणाचंही नाव न घेता टोला लगावला आहे. गलाट्टा पुरस्कार सोहळ्यादरम्यान पार्थिवनने केलेल्या टिप्पणीनंतर त्रिशाची ही प्रतिक्रिया समोर आली आहे.

I was informed by the organisers of a recent event that my name and picture were included at the last minute at the request of an individual conveyed through his assistant. A microphone doesn’t make a comment intelligent or humorous. It just makes stupidity louder.Crude words…

— Trish (@trishtrashers) March 8, 2026

या पुरस्कार सोहळ्यात पार्थिवनला त्याने ज्या कलाकारांसोबत काम केलं होतं, त्यांच्याबद्दल बोलण्यास सांगण्यात आलं होतं. जेव्हा त्रिशाचा फोटो समोर आला तेव्हा त्याने कुंदवाईच्या भूमिकेचा संदर्भ देत एक टिप्पणी केली आणि म्हणाला, “ही कुंदवाई काही दिवसांसाठी घरी ठेवली पाहिजे. चांगलं आहे, तिला बाहेर येऊ देऊ नका.”

थलपती विजयवर पत्नी संगीताने विवाहबाह्य संबंधाचा आरोप करत कोर्टात घटस्फोटासाठी याचिका केली होती. त्यानंतर काही दिवसांतच विजय ‘एजीएस’ या चित्रपटाचे निर्माते कलपथी सुरेश यांच्या मुलाच्या रिसेप्शनमध्ये अभिनेत्री त्रिशा कृष्णनसोबत येऊन सर्वांचं लक्ष वेधलं. या रिसेप्शन पार्टीमध्ये विजय आणि त्रिशाला एकत्र पाहून सर्वांच्याच भुवया उंचावल्या होत्या. कारण पत्नी संगीताने एक्स्ट्रा मॅरिटल अफेअरचे आरोप केल्यानंतर सोशल मीडियावर विजय आणि त्रिशा यांचीच सर्वाधिक चर्चा होती. रिसेप्शनमध्ये विजय आणि त्रिशा एकत्रच पोहोचले होते. यावेळी विजयच्या हातात पुष्पगुच्छ होतं, तर त्रिशा इतर पाहुण्यांची गळाभेट घेताना आणि हस्तांदोलन करताना दिसली.