Marathi Movie | नव्या वर्षात प्रेक्षक खेळणार ‘झिम्मा’, अनलॉकनंतर प्रदर्शित होणार मराठीतला ‘मोठा’ सिनेमा!

'झिम्मा' नावाचा चित्रपट येत असल्याची आधीपासूनच चर्चा होती मात्र यात कलाकार कोण असणार याची सर्वांना उत्सुकता होती. अखेर या चित्रपटातील कलाकार आपल्या समोर आले असून यात चित्रपटसृष्टी, रंगमंच, टेलिव्हिजन गाजवणारे कलाकार पाहायला मिळणार आहेत.

Marathi Movie | नव्या वर्षात प्रेक्षक खेळणार 'झिम्मा', अनलॉकनंतर प्रदर्शित होणार मराठीतला ‘मोठा’ सिनेमा!
झिम्माचे पोस्टर
Follow us
| Updated on: Mar 05, 2021 | 12:39 PM

मुंबई : मागील संपूर्ण वर्ष लॉकडाऊनच्या सावटाखाली काढल्यानंतर आता हळूहळू सर्वत्र ‘न्यू नॉर्मल’ होऊन जीवन पूर्वपदावर येऊ लागले आहे. कार्यालये, सार्वजनिक वाहतूक, हॉटेल्स, मॉल्स सुरु झाल्यानंतर आता सिनेसृष्टीही प्रेक्षकांचे मनोरंजन करण्यासाठी नव्या जोमाने सज्ज झाली आहे. अनेक  नवनवीन चित्रपटांची घोषणा होत असतानाच, हेमंत ढोमे दिग्दर्शित ‘झिम्मा’ या चित्रपटाचीही घोषणा करण्यात आली आहे (Upcoming Marathi Movie Jhimma Big Marathi cinema releasing in theater after lockdown).

खरं तर ‘झिम्मा’ नावाचा चित्रपट येत असल्याची आधीपासूनच चर्चा होती मात्र यात कलाकार कोण असणार याची सर्वांना उत्सुकता होती. अखेर या चित्रपटातील कलाकार आपल्या समोर आले असून यात चित्रपटसृष्टी, रंगमंच, टेलिव्हिजन गाजवणारे कलाकार पाहायला मिळणार आहेत. या चित्रपटात अभिनेत्री सोनाली कुलकर्णी, क्षिती जोग, सुहास जोशी, मृण्मयी गोडबोले, सुचित्रा बांदेकर, सायली संजीव, निर्मिती सावंत आणि अभिनेता सिद्धार्थ चांदेकर या कसलेल्या कलाकारांच्या प्रमुख भूमिका आहेत. अनलॉकनंतर प्रदर्शित होणारा हा पहिला मोठा मराठी सिनेमा असणार आहे.

‘नव्या वर्षात खेळू आनंदाचा खेळ’!

‘नव्या वर्षात खेळू आनंदाचा खेळ’ अशी टॅगलाईन असलेल्या या चित्रपटाचे पोस्टरच इतके कमाल आहे. पोस्टरमधील स्टारकास्ट पाहता ‘झिम्मा’ झकास आणि कौटुंबिक मनोरंजन करणारा असणार हे नक्की! पोस्टरवर असलेल्या वेगवेगळ्या वयोगटातील अभिनेत्रींमध्ये सिद्धार्थ एकमेव तरुण अभिनेता आहे. त्यामुळे ‘झिम्मा’मध्ये काहीतरी ट्विस्ट असणार याचा अंदाज येतोय.

‘झिम्मा’चे पोस्टर

(Upcoming Marathi Movie Jhimma Big Marathi cinema releasing in theater after lockdown)

‘झिम्मा’मध्ये सामाजिक संदेशही!

‘चलचित्र कंपनी’ प्रस्तुत ‘अमेय विनोद खोपकर एंटरटेनमेंट’ आणि ‘क्रेझी फ्यू फिल्म्स’ निर्मित या चित्रपटाचे लेखन इरावती कर्णिक यांचे असून चित्रपटाला अमितराज यांचे संगीत लाभले आहे. तर, छायाचित्रणाची धुरा संजय मेमाणे यांनी सांभाळली आहे. क्षिती जोग, अजिंक्य ढमाळ, विराज गवस, उर्फी काझमी, अनुपम मिश्रा आणि स्वाती खोपकर यांनी चित्रपटाची निर्मिती केली आहे (Upcoming Marathi Movie Jhimma Big Marathi cinema releasing in theater after lockdown).

दरम्यान, हेमंत ढोमे यांनी मराठी सिनेसृष्टीला नेहमीच धमाल चित्रपट दिले. प्रेक्षकांचे मनोरंजन करण्यासोबतच त्यांनी चित्रपटाच्या माध्यमातून नेहमीच सामाजिक संदेशही दिला त्यामुळे आता ‘झिम्मा’मध्ये काय असणार यासाठी मात्र, 23 एप्रिलपर्यंत वाट पाहावी लागणार आहे.

लग्नानंतर सिद्धार्थ पुन्हा कामात व्यस्त!

नुकताच, अभिनेता सिद्धार्थ चांदेकर अभिनेत्री मिताली मयेकर सोबत विवाह बंधनात अडकला आहे. पुण्यातील ‘ढेपे वाडा’ या सुंदर वास्तूत या जोडीचा लग्न सोहळा पार पडला. त्यानंतर लोणावळ्यातील ‘मचान’ रिसॉर्टमध्ये या क्यूट कपलने आपला ‘मधुचंद्र’ साजरा केला आहे. एकमेकांसोबत छान वेळ घालवत असतानाची काही क्षणचित्रे त्यांनी सोशल मीडियावर शेअर केली आहेत. मात्र, लग्नानंतर सिद्धार्थ आणि मिताली दोघेही आपापल्या कामात व्यस्त झाले आहेत. मिताली ही ‘लाडाची लेक ग’ ही मलिका आणि आगामी चित्रपटात व्यस्त आहे. तर, सिद्धार्थ देखील ‘सांग तू आहेस ना?’ ही मालिका आणि ‘झिम्मा’मध्ये व्यस्त आहे.

(Upcoming Marathi Movie Jhimma Big Marathi cinema releasing in theater after lockdown)

हेही वाचा :

CHYD | लाडक्या ‘विनोदवीर’ मित्रासाठी कुशल बद्रिकेची खास पोस्ट, पाहा काय म्हणाला कुशल…

Digpal Lanjekar | ‘अफवांवर विश्वास ठेवू नका, मी ठीक आहे!’, ‘फत्तेशिकस्त’च्या दिग्पाल लांजेकरांचे चाहत्यांना आवाहन!

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.