Vijay Deverakonda : सगळे खड्ड्यात जा…बायकोसोबत रोमँटिक फोटो शेअर करत विजय देवराकोंडाची ट्रोलर्सना चपराक

रश्मिका मंदाना आणि विजय देवराकोंडा सध्या त्यांच्या नात्यामुळे चर्चेत असून ते करण जोहरच्या ‘कॉफी विथ करण’ या चॅट शोच्या दुसऱ्या भागात त्यांनी त्यांच्या नात्याबद्दल, लग्नाबद्दल आणि प्रपोजलबद्दल चर्चा केली. अभिनेत्रीनं खुलासा केला की तिनं विजयला १०० वेळा प्रपोज केलं होतं आणि विजयनंही तिला तसं करण्यास सांगितलं होतं. यानंतर लोकांनी तिला ट्रोल करायला सुरुवात केली. ट्रोलिंगवर रश्मिका मंदानानं एका लांबलचक पोस्टद्वारे ट्रोलर्सची तोंडे बंद केली, तर विजयनेही आपला राग व्यक्त केला. अभिनेत्यानं इन्स्टाग्रामवर स्वतःचा एक व्हिडिओ आणि फोटो शेअर केला, सोबतच एक कॅप्शन दिलं ज्यात ट्रोलर्सना सडेतोड उत्तर दिलं आहे.

विजय देवरकोंडाची पोस्ट

ट्रोलिंगच्या दरम्यान विजय देवराकोंडानं इन्स्टाग्रामवर एक पोस्ट शेअर केली. अभिनेत्यानं ही पोस्ट शेअर करत लिहिलं की, ‘माझी जिवलग मैत्रीण, माझी पत्नी, माझी जोडीदार. माझ्या आयुष्यातील सर्वात सुंदर क्षणांपैकी एक, मी योग्य व्यक्तीची निवड केली आहे.’

विजयने पुढे लिहिलं की, ‘ज्यांना आमची काळजी आहे, त्यांना मला सांगायचं आहे की, आम्ही दोघंही खूप आनंदी आहोत. मी स्वतःला खूप भाग्यवान समजतो. जर संपूर्ण जग एका बाजूला आणि आम्ही दुसऱ्या बाजूला असतो, तरी हरकत नाही. जे प्रेमाचा उत्सव साजरा करतात आणि साधेपणानं आनंदाने कसं जगायचं हे जाणतात, त्या सर्वांना खूप खूप प्रेम, आणि आता कोणताही विचार किंवा आदर न करता…सगळ्यांनी खड्ड्यात जा.’

रश्मिका मंदानानेही प्रतिक्रिया दिली

विजयच्या आधी, रश्मिका मंदानानंही सोशल मीडियावर ट्रोलर्सना सडेतोड उत्तर दिलं होतं. १०० वेळा प्रपोज करण्याबद्दल ती म्हणाली की, तिच्या मते १०० वेळा काहीच नाही. खरं तर, जर तिला १००० वेळा प्रपोज करण्याची संधी मिळाली, तर ती तेही करेल. अभिनेत्रीनं स्पष्ट केलं की, ती विजयसोबतच्या तिच्या नात्यात आनंदी आहे.

दरम्यान, रश्मिका मंदाना आणि विजय लग्नानंतर पहिल्यांदा ‘रणबाली’ या चित्रपटात एकत्र दिसत आहेत. हा चित्रपट नुकताच प्रदर्शित झाला, पण बॉक्स ऑफिसवर तो अपेक्षा पूर्ण करू शकला नाही. या चित्रपटाची कथा एका सत्य घटनेवर आधारित आहे.